 |
| طفلتى وكرسي المطبخ |
فى صلاة العشاء,وقبل ما آكل وجبة العشاء,فرشت المصليه علشان أصلى,فالمدام نادمت عليه علشان آكل,لكن أنا قلتلها (هصلى الأول)وفعلاً بدأت فى الصلاه,و"بسمله"لما سمعت مامتها بتنادم عليه علشان آكل,جت على المصليه وبدإت تلمها,فقولتلها خلاص با"بوسبوس"علشان بابا بيصلى,فسابت المصليه وبدإت تنام عليها ومكان الصلاة بتاعى زى ماقولتلكم قبل كده,فسبتلها المصليه وفرشت واحده تانى,فاستغربت من اللى بيحصل,وأنا باصلى نامت فى النص بين المصليتين علشان حطت تقريباً فى دماغها إنى لو سبت المصليه دى وجيت أصلى على التانيه تبقى هى نايمه عليها..المهم أنا خلصت الصلاة,ورحت الأوضه التانيه علشان آكل,وبدأنا ناكل,و"بسمله"كعادتها إن هى بقيت فرد من العيله,ولازم تقعد معانا على الأكل,وزى ما ناكل احنا لازم هى تاخد نصيبها حتى لو مش هتاكل من الأكل ده(عافيه بقى,زوق لازم تاخد نصيبها)..
المهم وبعد كده بدإت إنها تحط المعلقه فى الأرز وتنقل الأرز من صحن للتانى,وترفع الطبق,وترمى الأرز اللى فيه,واللى كان بيقرب عليها كانت تضربه,وتصرخ فى وشه..
سيبناها بقى تعمل اللى هى عاوزاه,وأنا باكل ساندويتش من اللى عملتهم مامة"بسمله" قررت "بسمله"إن هى تخطفه من إيدى ,وفضلت تقولى "أم..أم"معنى ده إنها عاوزه تقول الساندويتش ده,لكن أنا قلتلها"ايوه بابا هياكلو "أم"يا"بوسبوس" لحد لما اقتنعت إنها تسيبهولى..
والساندويتش التانى اللى كان فى إيدها بدإت تاكل فيه,ولما اطمنت إننا مش بنبص عليها بدإت تقطع فيه,لكن مامتها خدته منها بعد عذاب..المهم بعد كده بدإت "بسمله"إنها تدور على حاجه تانى تلعب فيها,وبالصدفه دخلت عند مامتها المطبخ فلقيتها بتعمل "أيسون"فبدأت تطلب منها تعملها معاها,وفعلاً بدإت تشرب مع مامتها,ولما قررت إنى أطلع بره علشان أجيبلها لبن وزبادى,قولتلها :تعالى معايا يا"بوسبوس" ولأول مره مارضيتشي تيجي معايا لإنها كانت عاوزه تشرب"أيسون مع مامتها,لأنه تقريباً عجبها لما شربته بعد ماصحيت من النوم,ودلوقتى "بسمله مع مامتها فى الأوضه التانيه,وكتر خير مامتها اللى مستحمله شقاوتها لمدة حوالى ساعتين متواصلتين,وشغاله تقولها خلاص..لكن مافيش خلاص مع "بوسبوس" ودلوقتى زعقتلها جامد,لحد لما بكيت,وعلى فكره مامة "بوسبوس"مش بتحب تزعقلها,إنما "بوسبوس"بتزودها خالص,لدرجة إنها بتستفزنا..
انتظرو المزيد من حكاية طفلتى..
0 التعليقات:
إرسال تعليق