 |
| بسمله فى الأشهر الأولى |
النهرده كان يوم صعب بالنسبالى لأن طفلتى"بسمله " كانت معايا النهرده طول النهار لوحدنا لأن مامتها سابتها ليه وراحت الشغل
وأنا بقى اللى شلت الحمل كله ,وهاحكيلكم بقى على اللى حصل منها طول النهار...
الأول أنا صحيت على صراخ جامد جداً من "بسمله "واتخيلت إنها مع مامتها لأن الحلق بتاعها كان مخلوع فقلت أكيد والدتها بتركبهولها,واتأخرت فى الرد على "بسمله,وفى الآخر قررت إنى أقوم علشان أشوف إيه اللى بيحصل واتفاجأت إنها ورا الستاره بتاعة البلكونه بتدور على مامتها,والصراحه صعبت عليه لأنها بكت كتير,وأنا اتأخرت عليها فى الرد,لكن فى الآخر ضميتها ليه وأخدت ألعب معاها,وهى بقى استغلت الموقف,وكل شويه تشاورلى على حاجه وتقول "ده"علشان اعرفها الحاجه دى..
وفى الآخر بقى اشتغلت تبوظ فى الجهاز,لحد لما الدريفر الخاص بتشغيل الميمورى كارد باظ,وأنا على كده مش عارف أرفع صور من اللى بصورهالها على الكاميرا بسبب المشكله دى...
وكمان بدأت تفتح دولاب المطبخ وتطلع الحاجات بتاعة مامتها وتلف بيها فى الصاله ورتميها هنا وهناك,وكل ما أقولها كخ تزيد فيها..
وبعدين تبدء انها تعمل الحاجه تانى لحد لما تعبتنى معاها..
وبعدين جالى واحد صاحبي فقعدنا مع بعض ,و"بسمله بقى كانت عامله فيها البنت المؤدبه,لكن بعد شويه بدأت تتكلم,وحست بالتعب فنامت على رجلى,وماقدرتش أخرج بسببها بره مع زميلى علشان نشوف حاجه فى الشغل مهمه...
وفى الآخر صحيت "بسمله بعد وقت قليل..وأخدت تقول"أم..أم" يعني عاوزه تاكل بقى ..
على فكره هى قلت قبل كده زبادى وبيضه.... :)
وبعد كده مامة "بسمله"جت ونسيت "بسمله" باباها وإنها عذبته طول اليوم علشان تترمى فى حضن مامتها,لكن بعد كده كل ما أروح مكان "بسمله تيجي ورايا وتاخد الحاجه منى,وكأنها بتعاقبنى على إنى باباها..
الطفوله لاتنتهى قصصها..
0 التعليقات:
إرسال تعليق