طفلتــــــــــى....... والكاميـــــــــــــــــرا
 |
| طفلتى وجراب الكاميرا |
"بسمله"كانت بتشوفنا واحنا بنصورها"باباها ومامامتها"بحاجه مش عارفاها"الكاميرا" فقررت فى يوم كده إنها تمسك الحاجه دى وتحاول تعرف شكلها ,وأكيد الطريقه الأولى فى أشهرها الأولى كانت بالعض,فكنا نبعد عنها الكاميرا ونخلى الجراب,فكانت تفتح فيه
وتحاول تبص على اللى جواه فماتلاقيش حاجه,فتزيد حيرتها,وتحاول تعرف فين الكاميرا,ولما بقى كبرت شويه وعرفت إننا بنخبى الكاميرا بقيت تبقى عليها وتصرخ,واحنا بقى نحاول نوريهالها شويه وبعدين نشيلها,لأنها اتعودت على إنها لازم تفتح كل حاجه عن طريق الرمى على الأرض,وطبعاً الكاميرا لو اترمت على الأرض هتعوز اللى يصورها ,ومش هتنفع تصور تانى,ولاهتنفع أصلاً
علشان كده بقينا نشيلها منها,ولما نصورها بقى بترجع تفتكر تانى إنها لازم تمسك الكاميرا وتفتحها..
إحنا بسببها بقينا نشيل كل حاجه فى أماكن سحريه,لأنها بتطلع فوق الكرسي وتحاول ترمى الحاجه فى الأرض ,وبتفتح الأدراج
الصراحه مابقيناش عارفين نعمل إيه علشان نشيل الحاجات من قُدام تخريبها المستمر..
نصيحه:ابعد الحاجات الثمينه عن أماكن بصر الأطفال ,والأشياء الصغيره كذلك حتى لايبتلعها الطفل فى مراحله الأولى
وابعد السكاكين والشوك عن متناول يدهِ حتى لاتسبب لهُ الضرر ,وحتى لايلحق هو الضرر بغيرهِ بها دون قصد منهُ.
حاول أن تلاحظ طفلك أولاً بأول,ولاتكسل فى ذلك,وحاول أن تلاطفهُ وتحسسهُ بالأمان فى كل وقت,حتى لاينعكس عدم الشعور بالأمن على سلوكياته..
الطفوله لاتنتهى قصصها..انتظرو المزيد والمزيد..
0 التعليقات:
إرسال تعليق