صحيت النهرده طفلتى على يوم جديد وهى بقى بتبكى وعاوزه تنزل من جنبي وفعلاً نزلتها ,وهى بقى نزلت من على السرير لأنها سمعت صوت خبط فى البلكونه,وتصورت بقى إن مامتها فى البلكونه ففضلت تدور وتخبط على البلكونه لحد لما مامتها فتحتلها باب البلكونه,علشان تدخل البلكونه وتفضل تتفرج على الناس اللى فى الشارع ,ولما حبت مامتها تخرجها تعبت بقى لأن "بسمله"ماكانتشي عاوزه تطلع تانى من البلكونه,وبعد كده مامتها كانت عاوزه تخرج علشان الشغل,فقالتلها اقعدى يا"بوسبوس"علشان لما آجى أجيبلك معايا "تتيه..يعني كاراتيه" لكن "بسمله"اتعودت تروح معاها الروضه فماكانتشي عاوزه تسيب والدتها ,فمامتها بقى اشتغلت سياسه,وشالتها وراحت بيها الأوضه التانيه" وإدتها النونو بتاعها,وقالتلها يللا العبي مع النونو,ولما رجعت "بسمله"لقيت مامتها خرجت,واستلمت انا بقى زمام الأمور مع"بسمله" والأول بقى ,قلتلها يللا"تاتا"واتمشينا فى الأوض مع بعض,وبعدين قلتلها تاكل أم يابطه؟,فقالت"لا لا لا" وبعدين بقى اديتها الموبايل علشان أدخل أتوضا علشان أصلى,وفضلت بقى ترمى فيه وتلعب بيه,وبعد ما اتوضيت بقى لقيت إنها عاوزه تغير لأنها بتعمل إشارات تورينا بيها إن"البامبرز بتاعها عاوز يتغير..فغيرتهولها (نعمل ايه بقى..تعب السنين),وبعدين بدأت أصلى,ولما جيت أصلى لقيت نامت قدامى علشان تناغشنى بقى علشان ألعب معاها,فأقنعتها بإنها تبعد ,وفعلاً بعدت وصليت,وبعد كده قررت إنى أدخل علشان أكتبلكم يومياتها ,وهى بقى دلوقتى جنبي وقاعده على السماعه الصب ,وقطعتلى سلك السماعتين الصغيرين,وبإذن الله هحاول أجيب غيرهم,ولما تكبر "بوسبوس هدفعها تمنهم(هزار طبعاً ...ههههههههه)
حكايات الطفوله لاتنتهى..فانتظرو منى المزيد..
0 التعليقات:
إرسال تعليق