"بسمله"بجد تعبتنى معاها,أنا من بدرى عمال أسطب فى نسخه جديده للويندوز علشان الدريفر ماكانشي شغال علشان كنت بأحاول إنى أدخل الميمورى كارد على الجهاز فماكانشي حاسس الجهاز بالميمورى كارد,وبعد معاناة التسطيب حوالى ساعتين ,وتنزيل جوجل كروم وغيره,بعد ده كلو عمال أدور على الريدر علشان أحط فيه الميمورى كارد وأحاول أنزل صورها الجديده,لكن بعد ده كلو مش لاقى الريدر,وعمال أدور من بدرى فى كل مكان فى الشقه لكن للأسف مش لاقيه..
وأنا خايف لتكون رمته فى الزباله,أو تكون رمته من البلكونه كعادتها لما بتدخل البلكونه وترمى شرباتها وحاجاتها من البلكونه ونفضل ندور عليها لحد لما حد يجيبهالنا من الشارع أو نجيبها احنا..
مشكلة الأطفال إنهم بيبوظو حاجات كتير مهمه لينا وبندوخ علشان نعملها,لكن هى بالنسبالهم ماهى إلا مجرد لعبه وخلاص وليها وقتها,وممكن يدورو على غيرها..
يارب ألاقيها علشان أنزلكم صور جديده يوميه من حياة "بسمله" اللى تعبتنى على الآخر,وخنقتنى الصراحه ..
حكايات الأطفال لاتنتهى فانتظرو منى المزيد..
0 التعليقات:
إرسال تعليق