طفلتــــــــى والرضـــــــــــاعه
طفلتى فى أشهرها الأولى ونظراً لظروف عمل والدتها فقد قررنا أن يكون بجوارلبن الأُم وسيلةً أُخرى,فذهبنا إلى الطبيب وقرر لنا لبن مُدعم يحمل اسم(بيبيزان 1_أو بيبيلاك 1)علشان لو مالقيناش واحد منهم نلاقى التانى,وفعلاً بدأنا نديها من اللبن وكنا بنديها حوالى معلقتين كبار فى الببرونه ونديهالها,وماكنشي ده علطول وإنما مرتين أو تلاته فى اليوم وده أثناء لما تكون فى روضة الأطفال ومره مثلاً فى البيت,والباقى من لبن الأُم..
وكيفية الإعطاء فلازم ندفى المياه كويس,ونحاول إننا نحس اللبن قبل مانديه للطفل بإننا ندوقه أو نحطه على إيدينا علشان نشوف إذا كان دافئ,ولا لأ..
وبعد ما عدت فترة الخمس شهور طبعاً غيرنا اللبن بالمرحله الثانيه(بيبيلاك 2) وخلى بالكم إن المقدار لما تجرربه مره مع الطفل وبيشبعه بيبدأ الطفل إنه يطلب الجرعه بنفس المقدار ,وبيدلل على كده ,إنه لو ماكانتشي الجرعه مظبوطه بيبكى,إنما لومظبوطه والمقدار بتاع اللبن مظبوط بياخد الرضعه فى منتهى الهدوء(الأطفال سبحان الله بينتبهو لنفسهم جامد جداً,,وده بقى من ترتيب الخالق)
لما الرضعه تبرد بقى يا إما تحط عليها مياه دافئه وتكمل الرضعه وإما إنك تكبها وتعمل غيرها من جديد..
تغيير أنواع اللبن مره واحده بيخلى الطفل عنده إسهال,فيستحسن عند لما تغير اللبن بتاع طفلك إنك تستشير الطفل,ولكن إذا غيرت لأحد النوعين اللى كاتبهملك الطبيب,فغير ولكن بعد استخدام الأيسون,حتى لايحدث إسهال للطفل..
إحنا كنا بنعمل كده مع بسمله"
وخلى بالك مش معنى كده إن الطفل مش بيحصلو تعب فى كل مرحله؟؟
إحنا فى الأشهر الأولى كنا بنروح ب"بسمله" للطبيب أكثر من مرتين أو ثلاث مرات أسبوعياً,فالتعب عند الأطفال بيكون شئ عادى لأن المناعه عندهم ضعيفه,ولكن لازم ننتبه شويه للأطفال,ونحاول لما تكون فى مشكله معاهم نسارع ونوديهم للطبيب,وسؤال كبار السن يكون فى كيفية الإهتمام بالصغير ,ولكن الأمور الطبيه نتركها لأصحاب المهنة..
الحاجات على فكره اللى لازم تتوفر فى البيت:
أيسون:فى المرحلة العمريه الأولى لأن المغص يكون شيئاً عادياً عند الأطفال,وبالأحرى بعد الولادة بأيام..
لبن الأطفال:الذى لابد أن تسأل الطبيب عن النوع اللى هينفع مع إبنك ويستحسن إن انته تخليه يكتبلك نوعين,علشان لو مش لاقى نوع تلاقى التانى بإذن الله..
قماش :فى الأيام الأولى والأشهر الأولى يكون العمود الفقرى للأطفال ضعيفٌ جداً,ولكى تحمل الطفل بكل سهوله لابد أن تلفهُ بقطع من القماش لكى تعمل محل العمود الفقرى,فى حماية الطفل..
وبإذن الله سأحكى لكم المزيد عن تلك الأشياء فى تدوينات أخرى..
حكايات الطفوله لاتنتهى فانتظرو المزيد من خلال تجربتى مع طفلتى..
طفلتى فى أشهرها الأولى ونظراً لظروف عمل والدتها فقد قررنا أن يكون بجوارلبن الأُم وسيلةً أُخرى,فذهبنا إلى الطبيب وقرر لنا لبن مُدعم يحمل اسم(بيبيزان 1_أو بيبيلاك 1)علشان لو مالقيناش واحد منهم نلاقى التانى,وفعلاً بدأنا نديها من اللبن وكنا بنديها حوالى معلقتين كبار فى الببرونه ونديهالها,وماكنشي ده علطول وإنما مرتين أو تلاته فى اليوم وده أثناء لما تكون فى روضة الأطفال ومره مثلاً فى البيت,والباقى من لبن الأُم..
وكيفية الإعطاء فلازم ندفى المياه كويس,ونحاول إننا نحس اللبن قبل مانديه للطفل بإننا ندوقه أو نحطه على إيدينا علشان نشوف إذا كان دافئ,ولا لأ..
وبعد ما عدت فترة الخمس شهور طبعاً غيرنا اللبن بالمرحله الثانيه(بيبيلاك 2) وخلى بالكم إن المقدار لما تجرربه مره مع الطفل وبيشبعه بيبدأ الطفل إنه يطلب الجرعه بنفس المقدار ,وبيدلل على كده ,إنه لو ماكانتشي الجرعه مظبوطه بيبكى,إنما لومظبوطه والمقدار بتاع اللبن مظبوط بياخد الرضعه فى منتهى الهدوء(الأطفال سبحان الله بينتبهو لنفسهم جامد جداً,,وده بقى من ترتيب الخالق)
لما الرضعه تبرد بقى يا إما تحط عليها مياه دافئه وتكمل الرضعه وإما إنك تكبها وتعمل غيرها من جديد..
تغيير أنواع اللبن مره واحده بيخلى الطفل عنده إسهال,فيستحسن عند لما تغير اللبن بتاع طفلك إنك تستشير الطفل,ولكن إذا غيرت لأحد النوعين اللى كاتبهملك الطبيب,فغير ولكن بعد استخدام الأيسون,حتى لايحدث إسهال للطفل..
إحنا كنا بنعمل كده مع بسمله"
وخلى بالك مش معنى كده إن الطفل مش بيحصلو تعب فى كل مرحله؟؟
إحنا فى الأشهر الأولى كنا بنروح ب"بسمله" للطبيب أكثر من مرتين أو ثلاث مرات أسبوعياً,فالتعب عند الأطفال بيكون شئ عادى لأن المناعه عندهم ضعيفه,ولكن لازم ننتبه شويه للأطفال,ونحاول لما تكون فى مشكله معاهم نسارع ونوديهم للطبيب,وسؤال كبار السن يكون فى كيفية الإهتمام بالصغير ,ولكن الأمور الطبيه نتركها لأصحاب المهنة..
الحاجات على فكره اللى لازم تتوفر فى البيت:
أيسون:فى المرحلة العمريه الأولى لأن المغص يكون شيئاً عادياً عند الأطفال,وبالأحرى بعد الولادة بأيام..
لبن الأطفال:الذى لابد أن تسأل الطبيب عن النوع اللى هينفع مع إبنك ويستحسن إن انته تخليه يكتبلك نوعين,علشان لو مش لاقى نوع تلاقى التانى بإذن الله..
قماش :فى الأيام الأولى والأشهر الأولى يكون العمود الفقرى للأطفال ضعيفٌ جداً,ولكى تحمل الطفل بكل سهوله لابد أن تلفهُ بقطع من القماش لكى تعمل محل العمود الفقرى,فى حماية الطفل..
وبإذن الله سأحكى لكم المزيد عن تلك الأشياء فى تدوينات أخرى..
حكايات الطفوله لاتنتهى فانتظرو المزيد من خلال تجربتى مع طفلتى..
0 التعليقات:
إرسال تعليق