 |
| طفلتى بتقيس هدومها |
"بسمله" كل ماتكون عاوزه حاجه منى تقعد تبكى كتير لحد لما تاخد الحاجه لكن لما تشوف إن طريقة الصراخ مش نافعه تبدء إنها تستخدم طريقه تانى,وهى طريقة السياسه فى إنها تدمع دمعة طفوله كده وتترمى فى حضنى ,وممكن تعمل حاجات غريبه تضحكنى فأشيلها وأوصلها للحاجه اللى عاوزاها,ولما أكون بقى أنا اللى عاوز أسايسها أقولها: تاتا تاتا فترفع إيديها وتحطها فى إيدى وتتمشي معايا,ولا كإننا اتنين مخطوبين,هههههه عادة الستات كلهم,علشان تسايسهم تقولهم تعالو نطلع نشم الهواء,فى الحاله دى يبقو زى الخاتم فى صباعك..
نرجع بقى ل "بسمله" اللى اللى زى ماشايفينها,بتحاول إنها تقيس هدومها وتعمل حركة مسايسه كده فى الجول علشان تخلى باباها ينفذلها طلباتها المستقبليه..
عارفين البنت دى ذكيه جداً مش علشان بنتى إنما علشان بنتى بردو (ههههه)
مامتها علمتها ترمى الزباله فى السله,وكل ماتقولها خدى دى إرميها يا(بوسبوس"اسم الدلع") فتاخد فعلاً الحاجه وترميها فى الزباله وتيجى تجرى وهى مبسوطه,وأول ماتشوف أمها وهى بتكنس تيجي تانى يوم وتدور على الجروف والمكنسه وتعمل زى مامتها,ولما تلاقى حد بيلبس,تانى يوم تجيب هدومها وتحاول تلبسهم,أو تعمل كإنها بتلبسهم..
وزى الكمبيوتر اللى بتراقبنى وأنا باشتغل عليه,أول ما أكون مش جنب الجهاز تجرى عليه,وتفضل تتكتك فى الزراير,وتقول "نونه"أول ما أروح عليها علشان تسايسنى علشان ما أزعقشي فيها,ولما تشوف مامتها بتقرأ فى أى كتاب أو مصحف لازم تيجي بعد كده وتمسك الكتاب أو المصحف وتعمل نفسها قال إيه إنها بتقرأ,أو تفتش فى الكتاب والمصحف..
العيال دول ملكوت تانى ,وربنا يستر علينا منهم..إحنا ضعاف بالنسبالهم..
حكايات الأطفال لاتنتهى..انتظرو منا المزيد..
0 التعليقات:
إرسال تعليق