الحَلَق بتاع"بسمله" مش متركب كويس وطالع من ودنها ,وكل ماتيجي تلبس حاجه فيها صوف أو تقرب منى وأنا تبكى جامد جداً,وأنا بكون بقى مش عارف إيه اللى بيحصل وأحاول إبعد عنها فتبكى أكتر,وفى الآخر أفضل أركز معاها لحد لما أعرف اللى بيحصل فألاقى "الحلق بتاع ودنها "مش راكب كويس وإنه بيشبك فى أى حاجه,ووالدتها بردو كانت بتلاحظ فى "بسمله "نفس المشكله..
علشان كده أنا قررت امبارح إنى أحاول أقفلها "الحَلَق" لكن للأسف جيت أصلحه بوظته أكتر واتفتح الحلق خالص,ووالدتها قررت النهرده إنها تاخدها وتحاول إنها تصلحلها "الحلق",وأنا كنت مقرر إنى أخرج علشان أقضى بعض المصالح,لكن الموتوسيكل عملها معايا ووقفت البطاريه لأنى ركنته كذا يوم فى الجو الشتا ده,وربما يكون ده لأن مية النار قلت فى الموتوسيكل أو عيب تانى..
المهم أنا هحاول لما ترجع "بسمله أقولكم إيه اللى حصل معاها فى محل الصايغ ,علشان ما نضيعشي أى حاجه فى يوميات "بسمله إلا وحكيناها..
حكايات الطفوله لاتنتهى فتابعو معى كل جديد بإذن الله تعالى من يوميات"طفلتى..بسمله.."
0 التعليقات:
إرسال تعليق