بث مباشر:طفلتى اليوم

بث مباشر بعد قليل لطفلتى

كما وعدتكم إخوانى الكريم بأنه سيكون هناك المزيد من البث الخاص بمدونة طفلتى..
فسيكون هناك بإذن الله تعالى هناك بث الساعة 3:30 مساءاً بتوقيت مصر فانتظرو البث..
البث سيكون على اليوتيوب مباشرة,وإذا حدث هناك أى أخطاء فسنقوم بتغيير الرابط بإذن الله تعالى فانتظرو البث بإذن الله تعالى

البث المباشر:

اقرأ المزيد

بسمله بعد البث

بسمله بعد البث

"بسمله"كانت علطول عاوزه تقعد جنب الجهاز ومش عاوزه حد يقومها من جنبه خالص,لكن المره دى بالتحديد "بسمله" وأثناء البث كانت عاوزه تاكل المايك,وبعد كده ماكانتشي عاوزه تقعد تانى قدام اللاب توب,وأنا حاولت أستنتج السبب,فقلتلكم فى الدردشه إنها عاوزه تنام,لكن بعد شويه دخلت المطبخ,ولقيت"بسمله"ماسكه جناح الفرخه,وعماله تاكل فيه,وفرحانه بيه..
ولما لقيت الشغل ده بيحصل قلت فى مخى(يبقى سابت البث والناس علشان شمت ريحة الأكل؟؟  :)   ) شفتو بقى العيال الصغيره؟ مع إنها الأول ماكانتشي بتحب الأكل,المهم مامة "بسمله"حطت الأكل وبدأنا ناكل,و"بسمله" قعدت فى حضن والدتها علشان تأكلها ,وكلت معانا الآنسه "بسمله" وبعد كده أنا قمت على الجهاز,وشويه,ورجعتلهم,ولقيت "بسمله" شغاله تاكل"تتيه" هى بتسمي الكارتيه كده بقى..
وأول ماجيت أصورها ,ماكانتشي مهتمه بيه,لأنها ساعة لما تاكل الكاراتيه بتنتبهلو أكتر من أى حد,لكن فى غير الوقت ده بتحب إنها تيجي عندى علشان نلعب مع بعض,وتغلس عليه وأنا باشتغل فى بعض الأحيان,ودلوقتى "بسمله"مطلعه عين أمها فى الأوضه التانيه,ومش قادره مامتها عليها,وشغاله تصرخ فيها وبردو ولا كإنها بتعمل حاجه,وأول مايكون الواحد زعلان من "بسمله"هى الآنسه بتشغل علينا السياسه,وتقولنا كلام من كلامها الحلو"بابا...ماما.تاتا..نونه"وبندأ احنا نهدى ونفقد التعصب بتاعنا..
على فكره الأطفال موسوعه من السياسه اللى مش ممكن نقدر عليها..
بسمله والكاراتيه:
على فكره أنا ساعات علشان أخلص نفسي من دوشة "بسمله" باجيبلها "كاراتيه"وشيبسي..علشان تهدى شويه عن اللعب والكسير والخبط والرزع,وساعات باستخدم معاها المشي ..
بس خلو بالكم الكاراتيه مش باستخدمه علطول علشان المواد الحافظه,إنما باديهولها فى أوقات معينه,يعني مره أو اتنين فى اليوم مش أكتر علشان ماتتعبشي منى..

انتظرو المزيد من حكاية طفلتى على مدار اليوم ..وكل يوم

اقرأ المزيد

بسمله والبث المباشر

                                    بســــــــــم الله الرحــــمن الرحـــــــــيم
البث المباشر آخر التدوينه

بسمله

لكل زوار مدونة طفلتى العزيزه "بسمله"يسعدنى أن أُعلن لكم عن أنهُ سيتم عمل جلسات بث مباشر لطفلتى الكريمه,وسأكون فى تلك الجلسات معها,وستكون هذه الجلسات على اليوتيوب مباشرةً,وفى التعليق الخاص باليوتيوب أو على المدونة يمكنكم أن تعلقو على البث بماشئتم أو أن تسئلو مابدالكم ,وفى الحلقات القادمه المتواصله بإذنِ الله تعالى سننفذ الإقتراحات الخاصةِ بالبث,كما يمكنكم أن تسئلو عن أطفالكم وكيفية التعامل معهم,وسنقوم بإذنِ الله تعالى بعمل خدمةِ جديده سأوضحها لكم فى تدوينةِ أُخرى لكل محبي أطفالهم,وسيكون بإمكانهم عمل تدوينات معنا عن أطفالهم,ولن تكون (خليها بقى مفاجأه..مش هاشرح حاجه تانى عن الخدمه التانيه دلوقتى)..
البث على فكره هيكون بإذن الله تعالى بعد نصف ساعه من الآن,واللى مش هيشوف البث ممكن يشوفه فى نفس الفيديو اللى هيتأرشف بعد البث,أو ممكن يطلب مننا وقت تانى لعمل بث آخر فى تعليق هنا داخل الموضوع..
فانتظرو طفلتى فى بث مباشر بعد نصف ساعه بإذن الله تعالى من نزول الموضوع,وسأكون معها فى بث حى ومباشر فانتظرونا..
أنا وطفلتـــــــــــــــــــــــــــــى


البث المبــاشر:

اقرأ المزيد