بالفيديو:حكاية طفلتى والقروش

فى هذاالفيديو تظهر طفلتى الصغيره,وهى بتلعب بالفلوسوتحطها على ترابيزة الأنتريه,وتحاول إنها تبوظ الدنيا جنب اللاب توب الخاص بي,وبعد كده بدإت إنها تخرب فى اللاب توب,بدعوى إنها بتبوس "النونو"اللى على الجهاز..
على فكره بدأت قصة النونو اللى على الجهاز لما بدإت تشوف صورها على المدونه,ومن ساعتها وهى بتقول:نونو.
وكل ماتقرب على الجهاز ما تخليش حد يحط إيده عليه,وتدوس على الزراير لحد لما تجيب صورها(إزاى الصراحه مش عارف)وساعات بردو تخرب حاجه فى الجهاز,وأنا الصراحه بقيت تعبان من تخريبها فى الجهاز,وكمان فضلت أنزل نسخه تانى علشان أعرف أشغل الدريفر علشان أعرف أنزلكم فيديوهات ليها يوميه وصور جديده..
النهرده بقى أنا جبت "ريدر"جديد بدل اللى ضيعته ,وكمان مايك ,وأول ماجبتهم بقى ,بدإت هى تستشعر إن فى حاجه جديده لازم تخرب,وبدإت تتسحب على الجهاز ومسكت المايك فى إيديها وكانت عاوزه تشده وتطلع بيه,وماعليهاش غير كلمة"ألو" تفتكره تليفيون
,وكمان بدإت تبص على "الريدر الجديد وعاوزه تخبطه علشان تطلعه من الجهاز,شكلها ناويه على خراب الجهاز بجد,ومش هترتاح غير بكده,ربنا بجد يستر على المايك والريدر الجداد..
حكايات الطفوله لاتنتهى,فاستمتعو مع فيديو طفلتى..

اقرأ المزيد

بسمله والتخريب

بسمله الشقيه

بسمله زى أطفال كتير مش بيحبو إنهم يخلو الحاجه على حالتها فبيتجهو للتخريب لإشباع طموحاتهم الطفوليه :)

ومعانا النهرده حكايه من حكايات التخريب الخاصه بالآنسه"بسمله"...
النهرده بقى وهى بتدور وتدور على أى حاجه تسلى بيها وقتها كالعاده,لقيت ستريو صغيرقدامها فمسكتو فى إيديها وأخدت تعض فيه,وكإنها بتنتقم منه لسبب أنا مش عارفه تحديداً,وفى الآخر ياريتها اكتفت باللى عملته ده...إنما....

بسمله بتعض الاستريو

مسكت الإستريو ورمته فى الأرض كعادتها فى فتح أى حاجه مش عارفه تفتحها...وياريت بقى الإستريو فتح من أول مره,إنما كان ده بعد محاولات عديده منها,وفى الآخر نجحت فى فتحه على 100 حته,وأخدت بقى تعض فى المغناطيس مره,وفى الحاجات اللى جواه التانيه (كل حاجه بدورها)..

الاستريو على 100 حته

بنتى بقى مش بتحب إنها تسيب حاجه فى حالها,,,مش عارف ربما تكون دى عاده وربما تكون مشترياها  :)

بسمله بتلم اللى خربته

الطفوله ما أحلاها للأطفال,وما أصعبها على الكبار..يعملوها الصغار ويوقع فيها الكبار...

اقرأ المزيد