طفلتى ويوم خلص

بسمله

خلص اليوم,ولكن فى يوم جديد جاى فى مستقبل"بسمله"ويوم عدى من حياتى,سيبنا بقى من الكآبه وأملكم حكاية "بسمله"لليوم السبت17/1/2015  ,احنا انتهينا لحد مابعد صلاة العشاء..
بعد كده"بسمله"رجعت تانى تطلب من مامتها الأكل,ومامتها طبعاً جابتلها أكل تانى ,وهو عباره عن"الباميه" ..وقعدت بقى "بسمله"وفضلت تاكل ,وفى الآخر حطت إيديها جوه الباميه وكانت سخنه,وبعد كده جاتلى مامتها علشان تقولى على اللى حصل,وقالتلى شوف البنت حطت إيديها فى الباميه وهى سخنه؟؟ فقولتلها :علسان تحرم,لكن فى ثوانى لقينا "بسمله قُدامنا وبتجرى وهى مبسوطه وبتضحكلنا,فقالت مامتها:دى مش بتحرم والله.. 
المهم لما جت "بسمله"الأوضه كان فى كوبايه على طرابيزة الأنتريه فمسكتها وكانت هتدلقها,لكن الحمد لله إن ماكانشي فيها غير شويه صغيرين,والحمد لله إن مامتها لحقتها..
وبعد كده جتلى"بسمله"قُدام الجهاز وبدإت تعُض فيه,ولما زعقت فيها,مسكت صُباع إيدي وبدإت إنها تعضه بكل قوه,والحكايه لما مشيت معاها عجبتها الحكايه وبدإت تصرخ علشان تحط صباعى فى بقها وتعضه جامد,لأن فى أسنان جديده بتطلعلها وتاعباها,ومابتصدق إنها تعض أى حاجه اليومين دول,المهم بعد شويه نامت "بسمله"لكن بدرى..وشويه وصحيت,وفضلت تصرخ,وفى الوقت ده زى ماقلتلكم كانت عاوزه تشرب لبن,فشربتها والدتها لبن,وكراويه,وبعد كده نامت تانى,وشويه وصحيت تانى,فخدتها والدتها بعد ماسخنتلها شوية لبن تانى ودخلو أوضتهم علشان ينامو,لكن ما اعتقدشي إن "بسمله" هتنام لحد الصبح نايمه,لأن مش من عوايدها إنها تنام بدرى كده..
انتظرو حكاية "بسمله" الأحد بإذن الله تعالى,وهاحكيلكم على يوم "بسمله من أول اليوم لحد آخره على أجزاء بإذن الرحمان..
فانتظرو جديدنا وجديد طفلتى كل يوم..

اقرأ المزيد

طفلتى ورحلة أكل Basmala and and eating trip

                                               طفلتـــــــــــــــــــى...........ورحلــــــــــــــــــــــة أكل

بسمله تأكل الشعريه

عندما يشعر الطفل الصغير بأنه جوعان فلاترى منه منه سوى الصراخ والعويل ..
وهذه "بسمله"تطبق هذا المثل,فاليوم كعادتها عندما أرادت أن تأكل أخذت تصرخ لوالدتها وتقول"أَم" وهى كلمتها المعهوده عندما تريد الأكل,وتأخُذ فى ترديدها كثيراً إلى أن يُقدم لها الأكل,وإن لم يعجبها الأكل تقول"لا لا لا" لكى يُقدم لها طعام آخر على مزاجها..

بسمله تنتظر الملعقة الثانيه

وهذا الطعام إما""لسان عصفور أو زبادى أو باميه أو ملوخيه أو لبن أو جبنه مثلثات" ويقدم لها الطعام تلو الآخر حتى تقتنع بأحدهم..

مامة بسمله تطعمها

وهى اليوم قدم لها نوع آخر من الطعام ولم تقتنع به من أول ملعقه,ولكن بعد إصرار من والدتها,وفى الأخير ارتضت به ألاوهو"الشعريه" وفى وسط الطعام عندما تقول"إمبو" لابد من تقديم الماء لها فى وقتها وإلا تعالت صيحات النداء بنفس الكلمة حتى يقدم لها "الإمبو" وبعد أن تشبع من طعامها تقول "لا لا لا" مع هزه برأسها لكى تدلل بذلك على أنها اكتفت من الطعام لكى تبدء رحلة اللعب والإستكشاف من جديد..

بسمله تشرب الماء

الأطفال يدللون على ذكائهم المنتاهى فى تعابيرهم الذكيه والتى وهبهم الله تعالى إياها للتعبير عما يريدونه بكل دقةٍ وإتقان..

بسمله تعاود الأكل

قصة الطفوله لاتنتهى إنتظرو منى المزيد..

اقرأ المزيد