بسمله اليوم

بسمله بتبوس الألعاب

اليوم هو الموافق الأربعاء 21/1/2015 ,والصراحه أنا تعبان مع "بوسبوس"النهرده ,وضربتها.. تعالو نحكى من الأول..

بسمله فى الصباح:
صحيت الصبح بدرى على صوت مامة "بسمله"وهى بتقولى أنا هاطلع,وبسمله النهرده هتبقى معاك,وعلى فكره أنا كنت نايم متأخر ولما سمعت خبر إن "بسمله"هتبقى معايا النهرده صحيت بسرعه من شدة الصدمه,وبعد كده صحيت "بسمله "بعد كلامى مع مامتها,وجابتهالى مامتها,وخلتها معايا على السرير,وبعد كده فضلت "بسمله تلعب معايا,وتشيل البطانيه من فوق رأسي,وبعد كده مامة "بسمله طلعت,ونزلت بعد كده من على السرير وجبت الألعاب بتاعة "بسمله"علشان نلعب مع بعض وأنسيها إن مامتها خرجت..

صلاة الضُحى:
قررت إنى أتوضأ علشان أصلى,وخليت "بسمله"بتلعب مع لعبها فى الصاله,وبعدها بثوانى لما دخلت أتوضى سمعت "بسمله"واقفه قُدام الحمام مستنيانى أطلع,ولما خلصت طلعت ألاعبها علشان ماتزعلشي,وبعد كده فردت المصليه علشان أصلى ,و"بسمله" نامت قدامى على المصليه زى عادتها,وفردت مصليه تانى,لكنها بردو نامت قدامى وأنا باصلى,وبعد كده كنت بارفع من الركوع وكنت هاسجد فلقيتها اترمت على حجرى,فقررت إنى ما أسجدشي لحد لما تخلص لعب,وبعد كده قمت من السجود ففضلت تلعب فى لبسي,وتضحك..
(أدى العيال نعمل ايه بس معاهم)..,وبعد لما خلصت لعبت معاها شويه,وبعدين بدإت تغلس عليه,وتطلب إنى أجيبلها حاجات من فوق الترابيزه بتاعة السُفره,لكن الحاجات دى مهمه بالنسبالى,فقررت إنى أسايسها بحاجات تانى علشان تبطل زن,فقررت أستنجد بألعابها..
بسمله والألعاب:
جبت الألعاب جنبي وفضلت ألعب معاها وقسمتلها الألعاب اللى هى عباره عن حيوانات إلى جزءين(جزء ياكل وجزء يتاكل)ولما حيوان منهم ييجي ياكل التانى أقولها:عو..وهى تضحك,وبعد كده خليتها هى اللى تمثل الحكايه دى..
وبعد كده قررت إنى أصورها ,وفضلت أقولها :بوسي النونه يا"بوسبوس"وهى ترفع بالواحد وتبوسه,وترميه على الأرض..

بسمله بتلعب بالألعاب

بسمله اتضربت من بابا:
بعد كده "بسمله فضلت تزن وتصرخ على حاجاتى(نظاره_والكاميرا)ولومسكتهم فى إيدها هتكسرهم,لأنها اتعودت إنها تمسك الحاجه وتخبطها فى الأرض علشان تفتحها..المهم: أنا فكرت إنى اتسايس معاها,لكن مافيش فايده فزعقتلها ,فزادت بردو فيها,فضربتها على وشها,ونزلتها على الأرض وسيبتها ودخلت الأوضه التانيه,وهى فضلت تبكى وتعيط,وتبص كل شويه عليه وترجع تانى,علشان تشوفنى هاعمل إيه لكنى سيبتها علشان تتعلم إننا لما نقولها تسكت تسكت,وبعد كده قررت إنى أصالحها,فقولتلها:تعالى يا"بوسبوس" فجتلى تجرى واترمت فى حضنى,وفضلت ساكته حوالى كام ثانيه,وبعد كده..

بسمله والورقه والقلم:
بعد كده قلت أسكتها وأجيبلها ورقه وقلم علشان ترسم فيهم ,وتسكت,لكن فضلت تشخبط على الجهاز,وكل ما أبعدها ترجع تانى تشخبط على الجهاز,فزعقتلها تانى,فاترمت بردو فى حضنى وفضلت تكمل فى شقاوتها بردو بعد كده..

بسمله وألأكل:
بسمله فى بداية اليوم أكلتها زبادى,وبعد كده بشويه أكلتها كاراتيه ,وعلشان أخليها تنام بعد المشاكل اللى سببتهالى,قررت أأكلها علشان تنام,لكن أكلتها وبردو زى ماهى مش مبطله,وتعبانى لدرجه ماحدش يتخيلها(أنا مش عارف النهرده هى ليه مش ناويه تجيبها البر..
أسيبكم وعلى وعد نكمل بإذن الله باقى اليوم

اقرأ المزيد

My daughter learn about the messenger Muhammad the Prophet

my baby basmala

I intend to teach my daughter about the apostolic Karim Muhammad the Prophet, was the Prophet Muhammad, peace be upon him love to detract or a wrong one on a piano or his family, whether or not it ..

One day one of the companions of the Prophet Muhammad, peace be upon him and saw him on a tree owners of the Messenger of Allah Vokhdhu laugh at his feet because she was high, but the Prophet said that God heavier foot of a mountainAnd this is a great companion Abdullah bin Msaud_redy God bless him

:Prophet in his conquests

Prophet in his wars he ordered Muslims not to kill the elderly, and women and children, and not logging.

Is there a mercy more than those of compassion that we see in the ethics of the Prophet (Muhammad, peace be upon him).

Prophet Muhammad, peace be upon him and his wives:

The Prophet, peace be upon him merciful and compassionate Bzojath and His romance with his wives are reflected in:

He said peace be upon him: ".. Treat women kindly, they were created from the rib and that crooked thing in the rib above, I went hosted break it, although his legacy is still Oauajja Fastousoa women well" and talk is not for libel as it understands the public, but to Tfahim and teach men. In the modern understanding of the wondrous nature and a reference to the possibility of leaving the Aauajjajha in some permissible things, and not leave it to warp if exceeded what is printed by the lack of an act of sin and leave the duties.

Her moans and consulted

Consulted the Prophet peace be upon him and his wives in the finer things, and it consulted God bless him and Umm Salamah in Khudaibiya when he ordered his companions Bnhr Sacrificial shaved head did not do, because that incision they have to go back and did not enter Mecca, entered worried sad to Umm Salamah in her tent, what was of them, however, came right opinion: Remove the O Messenger of Allah Vahalq and slaughter, slaughter and shaved himself and his companions if they are all his people, one man and Faihlqon Anhron.

Is there a mercy informing larger than those of the child, and whether there is a compassionate man with his family, such as the kindness of the Prophet Muhammad, peace be upon him?

اقرأ المزيد

طفلتى والبطاطس

بسمله بتقول نعم لبابا

"بسمله"نامت بعد العصر ,وأنا بقى كنت على الجهاز ,وبعد شويه صحيت مدروخه من النوم,وفضلت تصرخ وتبكى,ومامتها حاولت تشربها أى حاجه أو تضحكها,ولكن مافيش ,وبعد كده أنا قررت إنى أقوم من على الجهاز علشان أشوف فى إيه..

بسمله وبابا فرحها:
لما دخلت عليه رفعتلى إيديها علشان أشيلها,ولما شيلتها بطلت تبكى,وبعد كده قررت إنى أصلى,فسيبتها لمامتها,وفضلت تبكى تانى,وبعد كده مامتها قالتلها روحى صلى مع بابا,لكن كنت أنا خلصت صلاه,وبعد كده شيلتها تانى,وحطيتها على الطرابيزه,وشافت المفتاح بتاع الموتوسيكل وكانت عاوزاه,لكنى خدته منها,لأنها بتحطه فى بُقها,وبتدوس عليها فبيعمل صوت وبيزعج الناس وكمان هيبوظ من بُقها والعضعضه فيه..فعلشان تُسكُت إديتها الموبايل,وفضلت ألعب معاها,وأقولها:حضن لبابا ,وهى ترجع وبعدين تجرى عليه علشان تُحضُنى...وبعدين رجعت تانى لكتاباتى على المدونه ولتصفح المواقع..

بطاطس بسمله

بسمله والبطاطس:
بسمله اليومين دول فى أسنان تانى بتطلعلها علشان كده عاوزه تعضعض فى أى حاجه (مفاتيحي دلوقتى بتعضعض فيهم والموبايل وإيديه,وأدوات المطبخ..الخ),المهم المره دى لقيت قدامها البطاطس,وبدإت إنها تعضعض فيها وتاكل فيهاوهى نيه علشان ناشفهوهتخفف شويه ألم أسنانها,وأول مازهقت منها رمتها فى الأرض وفضلت تدور على حاجه تانى,وبعد كده مسكت القزازه اللى بتشربها مامتها فيها اللبن والعصير ورمتها فى الأرض وكسرتها..(العيال بتفترى )..

بسمله والعشاء:

مامة "بسمله"حضرت العشاء فى الوقت اللى كنا فيه بنلعب أنا و"بسمله"وبعد كده قعدنا على الأكل,و"بسمله"قعدت مكانى وماكانتشي عاوزانى آكل,والسبب إنها عاوزه تأكلنى بإيديها,وكل ما أحط إيدي تشيلهالى,وبعد كده زعقتلها,وقلتلها أقعدى على جنب فسمعت الكلام على غير عادتها وبقيت أديلها البطاطس وتاكل ,وتفتحلى إيديها تانى علشان أديها تانى ,وتاكل منى وتفتحلى بُقها علشان تورينى إنها بتاكُل فعلاً,وبعد ماخلصنا كنت بهزر مع "[سمله"وقلتلها شيلى الأكل,فمسكت الصينيه الكبيره وساعدتها مامتها لحد لما دخلو المطبخ(الظاهر إنها عاوزه تبقى ست بيت من سنه ونص) (بنات شاطره أهو للى عاوز يتجوز ههه)..

بسمله والتليفيزيون:

بسمله شافت فى المسلسل ناس بترقص,ففضلت ترفع إيديها وتقول آه وترقص فى إيديها وتسقف (أكيد بتشجع الكوره الحلوه )أدى العيال وجيلها الجديد..

بسمله دلوقتى بتجدد نشاط:
بسمله بعد ماكلت دلوقتى شغاله تلعب بحاجاتها وتحطها جوه الغساله,والموبايل مش راضى يتفتح معاها ,فعماله ترميه فى الأرض وبتصرخ لأنه مش راضى يتفتح,ودلوقتى بتحبي على الأرض علشان ترجع أيام الطفوله,ودلوقتى هى وقفت وشغاله تعضنى فى رجلى,علشان تسن أسنانها(نشاط الأطفال فوق مقدرتنا إحنا الكُبار)..
انتظرو حكايات ويوميات طفلتى

اقرأ المزيد

علياء المهدى فكرة طفوله

بسمله 

لن أتطرق فى موضوعى هذا لهذه الفتاة التى خلعت ثوب الإحترام والتدين لكى تتباهى بشهواتها,وطموحاتها للوصول حتى ولو كان ذلك فوق ثوب عفتها..فكم رأينا من تلك الفتاه من تعرى وتباهى بأفعالها المشينه..
وآخر الحاجات دى إنها اتصورت عاريه فوق علم "داعش" ,مش المشكله فى داعش ولا غيرها(المشكله:إن العلم مكتوب عليه "لا اله إلا الله محمد رسول الله")والبنت دى كانت بتتبول عليه هى وواحده تاني بمنظر مشين وكإنهم حيوانات بلا عقلٍ,تقضى حاجاتهن فى أى مكان,فأعتبرُ أن من علم وربي تلك الفتاه ليس بشخصٍ يُعتمد عليه..

بسمله فى ايدها كاراتيه

"بسمله" ودورة التعليم الأبوى:

فى كُل كلمه بتطلع منى ,بحاول إنى أعلمها شئ جديد من خلال حركاتى من خلال كلامى من خلال لعبنا مع بعض,من خلال كلامى مع والدتها:

• بعلمها إنها تبقى جريئه وماتخافشي علشان ماحدش يقدر يغيرلها رأيها,وفى نفس الوقت لازم تحترم رأينا,يعنى مامتها تجيبلها أكل معين وتخليها تختار,لكن لما تحاول إنها توقعه أو تلعب قدامه بتلاقى إنها اتعاقبت..
• وأنا بصلى بقولها:تعالى يا"بوسبوس"نصلى مع بعض,فكل ما آجى أصلى ألاقيها بتنام قدامى,وكإنها عاوزه تقلدنى فى السجود,وتقريباً السجود هو السهل بالنسبالها دلوقتى فى الوقت الحاضر(عمرها عام و5 شهور)..
• بنحاول نعلمها الترتيب:يعني لما تكون فى حاجه مرميه على الأرض مثلاً بنقولها يللا يا"بوسبوس" إرميها فى الزباله,فبقيت تاخدها دلوقتى وترميها علطول فى الزباله..
• بنعلمها تاكل معانا إزاى وتحترم الأكل وتستخدم المعلقه لوحدها(على فكره هى اللى بتعلم نفسها الأكل دلوقتى بالمعلقه)..

على ما أعتقد إن لو أى فتاه بدأت معاها من الصغر بإنك تقولها "كخ..وعيب" وحرام وحلال,ومليتلها حياتها بحبك ليها كأب ,أكيد وبإذن الله مش هتوصل لدرجة الإنحراف اللى وصلت ليه فتيات كتير بدعوى التحرر عن القيود الإجتماعيه والدينيه اللى طلعت بيه بنات كتير دلوقتى..

على فكره:

أنا كغيرى من الآباء اللى بيحاولو يحوشو لبناتهم لأن مصاريفهم لما يكبرو بتكون كتيره من تجهيز وغيره,لكن بردو الأهم هو إننا نحوشلهم مخزون الفكر السليم اللى من خلاله ممكن يخرج نبت طيب..

اقرأ المزيد

بسمله ويوم الاثنين 19-1-2015

بسمله وكيس أيسون

بسمله فى صباح اليوم:
فى بداية اليوم الجديد صحيت "بسمله"وكلها نشاط ,لأنها نامت بدرى امبارح,المهم لما دخلت الأوضه اللى هى فيها,وفتحت الدرج علشان أجيب حاجه منو لقيت معايا علبة سجاير كنت بادى منها الناس فى الأفراح,لكن ده من فتره كبيره(لإننا دلوقتى مش بنستخدم غير الحلاوه فى الأفراح علشان نتحى بيها الناس),المهم وعلشان أشيلها منها عملت العجب,إستخدمت حكاية"تاتا لكن مانفعشي,ومسكتها عود بخور لكن رمتو من إيدها,وبعد كده إديتها علبة مرهم علشان تسكت,واتمشيت معاها بعد كده..
بعد كده بدأنا نلعب استغومايه مع بعض,وهى تتخبى منى ولما أمسكها تضحك,ولما تمسكنى تضحك,وبعد كده كملت لبسي علشان أروح الشغل,وطلعت ورحت الشغل وبعد كده..

بسمله بعد فترة الظهيره:
رجعت من الشغل قبل"بسمله"ومامتها وبدأت أشتغل على اللاب بتاعى,وبعد فتره وصلت "بسمله ومامتها من الشغل,وكان فى إيديهم شوية حاجات من العطار"كسبره ,وأيسون,ونشا",وكان معاهم بردو كاراتيه كبير,الMISS بتاعة "بسمله" أقنعت مامة "بسمله" إن فيه جوايز ,وإنها كانت عاوزه تاكُل زيه فى الصبح لكنها نامت,فمامة "بسمله اشترتهولها من عندهم فى الحضانه..
وكلت منه شويه واتفضل منو شويه تانى جابتهوملها معاها علشان تاكلهم وكمان زبادى..

"بسمله" وأكياس العطار:

"بسمله ماسابتشي الأكياس اللى جابتهم مامتها زى ماهما,لأ بقى مسكتهم ببُقها,وفضلت تاكل فى الكيس,لحد لما قطعت كيس النشادر,ومامتها شافتها فخدته منها,وبعد كده "بسمله"مسكت كيس تانى,وهو كيس الكُسبره"وفضلت تعض فيه,لكن مامتها خدته منها,وفضلت تزعقلها ,وفضلت"بسمله تبكى لأنها كانت عاوزه تكمل أكل فى الكيس..
"بسمله"والجاروف:
"بسمله"بقى مش هتقعد ساكته ففضلت تدور على حاجه تكسر فيها وتلعب بيها,وبعد بقى الصبر بقى لازم ييجي النجاح فلقيت الجاروف وبدإت إنها تخبط بيه,وتلعب بيه,وأنا بسرعه صورتها بس بعد عذاب ,لأنى كل ما أصورها صوره ألاقيها راحت يمين وشمال لحد لما صورتها بردو..




"بسمله" ووجبة الغداء:

دخلنا بقى علشان ناكل,ولقيت بقى "بسمله"مامتها بتأكلها,وأنا كنت عاوز آكل فقلت لمامة "بسمله"فين الأرز,فقالتلى:أنا شايلاه منها علشان ماتلعبش بالملعقه,وجابتلى الأرز,وبسمله فضلت تشد فى الملعقه,وبعد لما مالقيتشي فايده فعملت نفسها بتأكلنى,وماعرفتش آكل منها,وفى الآخر نتشت منى الملعقه وفضلت تخبط فى الأطباق اللى قدامها,فقُمت وقُلت مش هكمل أكل..

"بسمله" والمطبخ:
دخلت "بسمله" فى المطبخ وفضلت تلف فيه,علشان المطبخ بقى فيه حاجات كتيره ممكن تلعب بيها,وطلعت البصل وفضلت تخبط بيه ,ومسكت المصفايه بتاعة مامتها وفضلت تعُض فيها لما سنانها وجعتها..
وبعد كده دخلت "بسمله"مع مامتها البلكونه وفضلت تلعب فى الحاجات المركونه فى البلكونه,وفضلت تقول "بابا..بابا" كإنها بتلاغيني(ههه) ووقعت على الأرض فى البلكونه..ودلوقتى بتعمل أصوات علشان فرحانه بصوتها..
حكايات طفلتى مستمره فانتظروا المزيد منها..

اقرأ المزيد

شارلى ابدو هؤلاء أطفالنا

مدونة طفلتى

فى تدوينة سابقه لتلك تحدثت عن علاقتنا بأبنائنا,وأننا نتعامل معهم بالتربية التى علمنا إياها الرسول (صلى الله عليه وسلم)والتى انتقلت إلى أجيالنا,والتى تدعونا إلى حسن معاملة المسلم,وغير المسلم,وأن احرتام الكبير,والعطف على الصغير(هى سماتُ النبي صلى الله عليه وسلم)وبادر بفعلها ليكون هو المثال الشريف الأمثل لنا,فقد قال عنه الله تعالى(ولو كنت فظاً غليظ القلبِ لانفضو من حولك..)صدق اللهُ العظيم,إذاً فإن الخالق قد وصفه باللين والرحمه,وأنهُ ليس فظأ (أى فى القول,وأنه ليس غليظ القلب "فهو صلى الله عليه وسلم"كان رحيماً حتى بالحيوانات والطيور..الخ)..قال تعالى(وما أرسلناكَ إلا رحمةً للعالمين)صدق الله العظيم..

شارلى إبدو والحقد على الإسلام:
فى فرنسا اتجه الكثيرُ من الفرنسيين إلى اعتناق الدينِ الإسلامى وإلا الإذعان بوحدانية الخالقِ تبارك وتعالى,وربما كان ذلك الشئ هو بمثابة كارثةً كبيره لأعداءِ الأديان,وأعداء الدين الإسلامى بالأحرى,فبدؤوا أن يثيرو المسلمين لكى يحاولوأ أن يوقفوا الزحف الإسلامى فى بلادهم,ولكن سبحان الله,فمن أُترفهو فى بلادهم(من المسلمين)خرجوا لكى يدافعو عن نبيهم(صلى الله عليه وسلم)..وهناك من دخل فى الدينِ الإسلامى بعد تلك الأحداث,لأنهم يعلمون أن الدين الإسلامى أكبر منهم,وأنهم فعلو ذلك لأنهم يعلمون بنجاح الدين الإسلامى فى الدخول إلى القلوب ,لأنه دين الرحمة التى تطرقُ الأبواب  العامره,فتدخُلُ بكل حبٍ واحترام..

طفلتى

شارلى إبدو وتعاليم الرسول:
الرسول صلى الله عليه وسلم علمنا الكثير من الأشياء فى حياتهِ ونبهنا للكثير بعد مماته,فقد نبهنا إلى أن نرحم من فى الأرضِ لكى يرحمنا من فى السماء
,ونبهنا على أن نحترم الكبير ونعطف على الصغير(أليس هو من أطال فى السجود لأن أبناء سيدنا على بن أبى طالب كانو يلعبون على كتفهِ الكريمة أثناء السجود)؟؟
نبهنا على احترام الأوقات والمواعيد واحترام العمل(هاتان يدان يحبهما الله ورسوله..) ,أليس هو من اشتغل بالتجارة ,والرعى؟
نبهنا على احترام الجار(قال :صلى الله عليه وسلم:مازالَ جبريلُ يوصينى على الجار حتى ظننتُ أنه سيورثه..صدقت يارسول الله)
ألم يعلمنا قول الله تعالى:ولتجدنَ أقربهم مودة للذين ءامنوا الذين قالوا إنا نصارى ذلك بأن منهم قسيسين ورهباناً..)صدق الله العظيم..
ألم يعلمنا فى سيرته أن نعدلَ بين الزوجات فى كل شئ؟؟ ألم يخبرنا بقول الله تعالى:(مثنى وثلاث ورباع فإن لم تعدلوا فواحدةً أو ماملكت أيمانكم)صدق الله العظيم..
طفلتى وتعاليم نبيي:

فى الصباح عندما تصحو طفلتى فإنها تُصدرُ صراخاً لكى ننتبه إلى أنها استيقظت,وبسرعه نذهب إليها,لأن رسولنا علمنا الرحمه بأبناءنا,وعلمنا أن نعطف عليهم,ولانكون قاسيي القلبِ عليهم..
وبعد ذلك ألعبُ معها حتى يأتى وقتُ الخروج,فتودعنى على الباب(فربيتُ فيها احترام الكبير الذى علمنى إياه الرسول فعملتهُ لها فى صغرها)..
ديننا دينُ يسر:
فى ديننا الكريم,لم نتعلم أن نكون منغلقين على العالم,ولكن متفتحين,وألا نشدد على نفسنا فى العبادات,ولكن يومنا مجزء للعبادة,وللإجتماعيات(فزيارة المريض وزيارة الأهل من الأشياء التقربيه لله تعالى)..وكذلك التقرب للأهل ..الخ..
(إن الدينَ يسرٌ ولن يشاد الدين أحدٌ إلاغلبهُ)..
أىُ دين وصل إلى تلك الرحمة والتراحم والموده؟؟ ,وأى شخصٍ وصل لتلك البلادة فى التفكير لكى يهاجمه بتلك الطريقةِ التى رأيناها من كارهى الإسلام والمسلمين؟؟

لن أطيل عليكم,فانتظرو حكايات طفلتى بعد رجوعها من الحضانه لكى أكمل لكم حكايتها لليوم بإذن الله تعالى..

اقرأ المزيد

Charlie Hebdo These are the children of Muslims

basmala

Charlie Hebdo These are the children of Muslims
This is my baby small, which I try to blog her, to love Alm..nhan to denied our children in one, but the sick souls that think about it, trying to oppress Islam, claiming that extreme, but the fact that they Rao morals of our children a beautiful example of the creation of the Islamic, and that because of the income of many in Islam, so they want to Ichoho the image of Islam in various ways, butAs long as there are parents of writing down ideas of their children, and cast them out of the world, there will be only expose them and their lies on the Muslims, so I promise that brought you my baby stories every day and with all the fact in order to Tarafo how to teach them how Nrbém, and you will see that we Nrbém on compassion, and respect for religions, and do not touch upon the Messenger of the apostles or religions, we are not Sulaity tongue like journalists .Charlie Hebdo

My daughter and the beginning of the day
My baby at the beginning of the day wake up to screaming in order to hear, and we come to it and actually move with haste to it, because we are the merciful, and this is to teach religion, then comes the time to play with us, in order to play the game of hide and smile to each other, in spite of our own business, we wake up early for it, then break our fast together, they eat food sons of the year and a half, we eat food adult, And then my daughter Todany small door she loves me, she (Baba..baba) and then go to work, we have implemented the commandments of the Holy Prophet _saly God be upon him: that our young ones that respects our old ones, and sympathetic to our old ones on our young ones)
Is it taught us that people can go out in order to make fun of him, or is that sarcasm is a human being a coward? Ksahvie this malevolent Gazette on religions?

اقرأ المزيد

بسمله والغسيل

               بسملـــــــــه والغســــــــيل

بسمله بتغسل

"بسمله"بنت نشيطه والحمد لله ونشاطها ده ساعات بيتعبنا,وساعات بيبسطنا,يعني مامتها علشان تخليها تسكت بعد مابوظت كل حاجه,وخليتها تعبت ,فقالت :أديها الغسيل اللى عاوز يتغسل علشان تُحطو فى الغساله,وفعلاً إديتها الغسيل,و"بسمله"كانت بتاخدو وتحطو فى الغساله لحد لما الغساله اتملأت,وبعد كده فضلت تقفل فى باب الغساله..
على فكره الغساله ليها مواقف كتيره مع"بسمله",لأنها فى مرات استخدمتها علشان تخبى فيها الحاجات أو علشان تلعب (أنا قلتلكم قبل كده إن الريدر اللى كنت بحط فيه الكارت الميمورى بتاع الكاميرا ضاع منى وبعد يومين تقريباً أو 3أيام بعد ما اشتريت واحد تانى لقيت اللى ضاع منى فى الغساله )وفى مرات تانى كانت بتحط اللعب بتاعتها فى الغساله علشات تخبيها..
"بسمله" كُل ماتتعلم حاجه وبالذات فيها نشاط تلاقيها علقت فى مُخها (زى المشي,زى مثلاً رمى الزباله فى السله بتاعة الزباله,زى بردو إنها تشيل الحاجه من والدتها,ومنى لما آجى من بره..الخ)..
المهم بعد كده "بسمله" عملت زى امبارح ونامت بدرى واليومين دول يعتبر النوم بدرى على غير عادتها,لأنها كانت بتسهر علشان تلعب معانا ,وتغلس عليه بالذات وأنا باشتغل على اللاب بتاعى..
لكن قبل ماتنام مامتها فضلت تلعبها,وتفرجها على التليفيزيون,لغاية لما طلبت إنها تنام,ونامت بالفعل بعد ماشربت المشروب بتاعها,وبكن من شويه سمعتها وهى بتعيط,(أكيد لازم تصحى لأن الجو برد,والأطفال لما يبردو بيقومو يعيطو فى وسط النوم بتاعهم..

"بسمله"ودولاب الروضه:
أنا قُلتلكم قبل كده إن "بسمله" فى الروضه,وحكيتلكم عن المديره بتاعتها وقصة بنتها..
على فكره المديره دى ,بتبيع حاجات كتير فى الروضه وبره الروضه علشان تحاول إنها تعلم أولادها,(مع العلم:إن جوزها عايش بس مرتبه قليل,ومش بيشتغل شغل تانى).الست دى بجد مكافحه وست جدعه(علشان كده ربنا كارمها..)..الست دى بتاخد 280 تقريباً فى الشهر,وبتبيع كاراتيه وشيبسى وحاجات تانى للأطفال فى الروضه,وتبيع حاجات للستات اللى هما أمهات الأطفال علشان تقدر تلم مبلغ يكفى إيصالات الكهرباء,وإيجار الشقه,والفلوس اللى عاوزه تجهز بيها بنتها,ودروس أولادها التانيين..
المهم:"بسمله"النهرده وقفت قدام الدولاب بتاع الحاجات اللى فى الروضه,وشاورت لمامتها"ده..ده" يعني عاوزه تشترى زى الأولاد اللى زيها فى الحضانه..وفعلاص مامتها اشترتلها من الكانتين ده.. وقالتلى مامة"بسمله":أهو شكلنا هنعمل زى أولياء أمور الأطفال اللى طلبو إن الدولاب ده يتقفل علشان الأطفال مايطلبوش حاجات تانى منه ,(من حلويات ونايتى وكاراتيه وغيره)..المهم أنا قولتلها وماله خليها تشترى..(وبينى وبينكم هو رزق..وربنا يكرمها ..ويكرمنا ويكرم الجميع..
انتظرو حكايات طفلتى ويوم جديد بإذن الله تعالى...تصبحون على خير..

اقرأ المزيد

بسمله وعصير الموز

بسمله وعصير الموز

"بسمله"بعد ماشربت عصير الموز اللى مامه عملوتهولها,وشربت شويه من بتوعى راحت بقى على السرير وفضلت تلعب مع مامتها,وبعد شويه أنا رحت على الأوضه بتاعتهم,ورحت علشان أنام جنب "بسمله"لكن فضلت تقوم فيه,وتضربنى,علشان بقى تنام على المخده وتلعب عليها لوحدها,وبعد كده خدت البطانيه عليها,وفضلت تشد فى راسي,وتضحك معايا,وبعد كده النور قطع عندنا فإنا نمت ومامتها خدتها فى الأوضه التانيه علشان تنام,وبعد شويه أنا قمت علشان أصلى العصر ولقيتهم نايمين,ودخلت على الأوضه بتاعتى اللى فيها اللاب بتاعى,وكان النور نور ,وفضلت اشتغل عليه بقى فى هدوء من دوشة "بسبوس"لكن بعد شويه صحيت,وفضلت تصرخ وتعيط,أكيد زى  مانتو عارفين علشان عاوزه تشرب أى مشروب بعد ماصحيت,وفعلاً مامتها جابتلها عصير موز تانى علشان تشربه,وفضلت بردو تبكى تانى,فمامتها جابتها عندى وكانت عاوزه تيجى عندى علشان تلعب فى اللاب لكن أنا بقى بصتلها (بغضب) فكانت لسه صاحيه من النوم فخافت لتقرب منى,وراحت لمامتها,وبعد كده رجعت أشتغل على اللاب بتاعى,وشويه ولقيتها جت تانى عندى,ومسكت الموبايل بتاعى,ورمته على الأرض,وقسمته لأجزاء ,وبعدين فضلت تشد اللاب علشان تشوف النونو فى الجهاز,
وبعدين راحت لمامتها اللى كانت بتحضر الأكل,وأنا بقى ماكنتش فاضى للأكل,ففضلت فى الأوضه بتاعتى,لكن مامة "بسمله"قالتلها :روحى لبابا علشان "ياكل أم"لكن "بسمله" ما كانتشي فاضيه لأنها لقيت الأكل قدامها,وشويه وجاتلى تقول"أم..أم" ولما ماقمتش معاها,بدإت "بسمله" إنها تحولى المكرونه (لمكرونه مكرونه)وفضلت تأكلنى بالوحده..
لكن أنا قُمت لأنها تعبت,وبعد كده كل ماكانت تجيب واحده كانت تاكل نصها فى الطريق (ههه),ولما رُحت علشان آكل,لقيت "بسمله"راحت قبلى وكانت ماسكه الشوكه فى إيديها ,وفضلت تحطها فى المكرونه,وكإنها بتعرف تاكل زينا,وكانت بردو بتمسك الليمون اللى كنت باستخدمه للتحديق وتطلعه من الصحن وتحطو فى صحن تانى,وأنا الصراحه غضبت منها,وقلت لمامتها إنها تاخدها من قُدامى علشان أعرف آكل,فقالتلى:هى علطول بتعمل معايا كده..
لكنى اتفاجأت ب"بسمله" وهى ماسكه الشوكه وبتحطها فى لبسها وتقريباً كانت بتحاول تطلع مكرونه دخلت فى لبسها,فقلت لما ماتها تشيلها منها,وفعلاً عملت كده,وبعد كده جت "بسمله" جنبي ,وأصرت إنها تقعد على حجرى,وأنا بقى مش عارف آكل,فأبعدها,وهى بردو تيجي تانى وتقعد فى حجرى,وهى دلوقتى مع مامتها بتلعب معاها(كتر خير مامتها,وكتر خيرى أنا بردو)..
انتظرو المزيد من حكايات طفلتى

اقرأ المزيد

طفلتى والربح الحلال

طفلتى والربح الحلال

كُل إنسان له اهتماماته الحياتيه,والتى لابد أن يحافظ عليها وينميها لكى يحافظ على عائلته ,وبالأخص الأعمال,علشان كده هكلمكم عن عملى وارتباطه بحياة ابنتى..

العمل والمال:
أنا باشتغل مدرس زى ماقلتلكم قبل كده ,فالصبح بروح المدرسه اللى أنا شغال فيها,والحمد لله الترم الأول ده مافيش يوم عدى عليه غير وصوتى رايح,ومن أول الحصه لأخرها باشرح على كد ما أقدر,وبعد انتهاء اليوم الدراسي,باتغدى وبعد كده أروح أدى دروس بعد المدرسه..

الدروس وحياة ابنتى:
فى بعض الأحيان لما باتفق على درس جديد فى ناس بتحاول تقلل فى التمن بتاع الحصص,وأنا بأوافق,والسبب إنى حاسس بظروف الناس لأنى عارف هما عايشين إزاى لأنى بأعانى نفس مشكلتهم,لأن كل حاجه غليت,وفى ناس أساساً مُجبره إنها تدى أولادهم حصص علشان يقووهم,وأنا محتاج الفلوس علشان أحاول أكفى مصاريف بيتى,علشان كده بأحاول إنى أتساهل,بالرغم إن فى زمايل ليه بياخدو أكتر من الأسعار اللى أنا باخدها...

أُراعى الطالب وابنتى:
فى ناس بتدى الحصص للطلبه الممتازين,ويحاولو إنهم يبعدو عن الجانب المتعب,لكنى بأكون العكس,(لكن فى الآخر باتعب ..وأحاول أقيم),فى مدرسين بيحاولو إنهم يقيمو الطالب قبل مايدوه الدرس,والشاطر منهم يكمل واللى مش شاطر مايرضوش بيه..
لكنى والحمد لله بابدأ مع الضعيف لحد لما أحاول أخليه يقرأ,ويكتب,وكمان أساعده فى مواد تانى,واختلافى إنى بادى أكتر من ماده علشان أساعد الطالب وأولياء الأمور,وأعتقد إنى لما أساعد الطالب وولى الأمر,هييجي يوم وألاقى إن الحاجه دى انعكست على بنتى ,وتلاقى فى يوم من الأيام بعدى اللى يساعدها ويفتكر والدها بالخير,وإن لم يكُن فهو عند الله أكبر وأعظم..

على فكره عندى المدام كل ما أرجع من الشغل تقولى راعى ربنا فى العيال وعلمهم كويس علشان معانا بنت,واللى بتعمله مع العيال بكره وبعدو هيبقالنا فى بنتنا(الحمد لله المدام عندى بتعينى على  الخير,وكمان أنا بأحاول أعرف كل يوم غلطى وأحاول اصححه من أجل عائلتى...
أنا كأى إنسان أحاول أن أربح,ولكن بالحلال من أجل أن يُكرمنى ربى,ويكرم من حولى..
تابعو المزيد من حكايات طفلتى بإذن الله تعالى ,وباقى اليوم..

اقرأ المزيد

طفلتى والموزه

بسمله والموزه

أحكيلكم الحكايه من أول اليوم لحد لما نوصل لقصة الموزه...
الأول أنا كنت حكيتلكم امبارح إن"بسمله"نامت بدرى,لأنها تقريباً كانت تعبانه شويه من البرد وكده..وصحيت  الصبح بدرى,وكانت عاوزه مامتها تلعبها قبل افجر,وتضحك لمامتها,وكانت بقى فايقه لأنها نامت بدرى..
ولما صحيت أنا بقى كنت صاحى متأخر على الإمتحانات(مراقبة إمتحانات)فمامة "بسمله"قالتلى ده انت اتأخرت لأن "بسمله"صحتنى بدرى فطفيت المنيه..المهم أنا قُمت علشان أتوضأ وأصلى,وبعد ماخلصت لقيت إن "بسمله"صحيت,وكانت عاوزه تلعب معايا,وفعلاً بدأت ألعب معايا,ونسيت الشغلوكل حاجه,ولعبنا استُغمايه,وفضلت تضحك معايا كتير,وبعد كده قررت إنى ألبس علشان أطلع,وفعلاً لبست,ووصلتنى "بسمله"لحد باب الشقه,وانتهى اليوم,ورجعت قبل "بسمله"ومامتها,وجبت معايا حاجات للبيت,ولما جت "بسمله"كان فى إيديها "موزه"وبتحاول إنها تقشرها وتاكلها,وماكانتشي عاوزه تُدخُل غير لما تقشرها,لكن مامتها دخلتها جوه,وأول حاجه عملتها"بسمله"إنها دخلت فى الأوضه اللى فيها اللاب بتاعى,لكن المره دى ماخربتشي فى الجهاز,لأنها كانت مشغوله بحكاية الموزه اللى فى إيدها,وفعلاً بدإت تقشرها,وبعد كده بدإت تاكل فيها,والقشر بتاع الموزه,كانت عاوزه مامتها هى اللى ترمهولها,لكنى طلبت منها إن هى اللى ترميه فى الزباله,وفعلاً سمعت"بسمله"الكلام وجرت على السله علشان ترمى قشر الموز,وبعدها رجعت علشان تقعد على الكنبه اللى فى أوضة الجلوس جنبي,وبدإت إنها تلعب بقى جنبي,وتبوظ المكان بالموزه اللى فى إيدها,وبعد كده قررت إنها تدور على النونو فى اللاب توب بتاعى,وبعد شويه مامتها نادمت عليها,ودخلت المطبخ ,وبعدين بدقيقه جت عندى وفى إيدها طماطم من اللى أنا جبته (خدته من فوق الطرابيزه)وبدإت تحاول تفتحه,لحد لما طلعت واحده وفضلت تاكُل فيها,وترفعها فوق,كأنها بتشرب عصير من الزجاجه,وبعد كده راحت المطبخ عند والدتها

بسمله والطماطم

,بعد ماصورتها طبعاً,وهناك كانت والدتها بتعمل عصير موز وشربتها فى المطبخ,وبعد كده جابتلى كوباية عصير ليه,وكانت شايله فى إيديها التانيه"بسمله",وأول مادخلو الأوضه"بسمله"كانت عاوزه تشيل الكوبايه هى,وكإنها عاوزه تعمل إنها هى اللى جابت العصير,وبعد ماشربت شويه,بدإت "بسمله"تتخانق معايا علشان أشربها الكوبايه بتاعتى,وفعلاً شربتها,ومامتها قالتلها:ده إنتى سيبتى سويه من كووبايتك,لكن "بسمله بتحب إن أنا اللى أشربها دلوقتى وأأكلها معايا,وده اللى حصل وأنا بآكل, (لما ماتها حطت الأكل,قعدت وسطنا وبدإت تشد فينا وتقول "أنا...أنا" يعني عاوزه تاخد نصيبها فى القعده ونوفرلها مكان وسطنا..)

حكاية بسمله وصاحبها فى الروضه::
مامة "بسمله"قالتلى شوفت اللى حصل؟؟
قولتلها خير.. قالتلى كان فى ولد صغير واقف ل"بسمله من بره الفصل,وكان بيشاورلها وهى بتشاورله..فقلت من بدايتها كده؟مش صابرين لما يكبرو؟..هههه
العيال دلوقتى بيتطرو مش زى زمان..كل حاجه دلوقتى اتعلموها وفهموها..
أسيبكم دلوقتى,على وعد بإذن الله بإكمال اليوم معكم وحكايات طفلتى الصغيره"بسمله"..

اقرأ المزيد

طفلتى والمستقبل

بسمله بتلعب فى للاب توب

هى حاجات بتدور فى راسي كتير لما بشوف "بسمله"قدامى:

إمتى تحبى:
فى المراحل الأولى من ولادة طفلتى وهى قدامى صغيره بترضع كنت بقول إمتى ألاقيها بتحبي قدامى,وأتمتع بمنظرها,بدال ماهى كده علطول قدامى مش بتتحرك,وكل ما أحطها فى حته ألاقيها زى ماهى,وكنت بادعى ربنا إنى أشوف ايوم ده قريب..
والحمد لله تم,ولقيتها بتحبي قُدامى,ومش سايبه مكان غير لما تخبر فيه..
إمتى تمشي:
وبعد ماحبت وفضلت تتنقل من مكان لمكان بإيديها اللى تعبت من كُتر الزحف والحبيه من مكان لمكان إتمنيت إنى أشوفها بتمشي وتقدر إنها تجرى وأنا أجرى وراها,والحمد لله هى دلوقتى بتمشي وبتوصل للحاجات اللى فوق الطرابيزه وتحت الطرابيزه لحد لما طلعت عينينا,ومش بتسيب حاجاتى ولا حاجات مامتها غير لماتخربها..
إمتى تكبر وتُدخُلِ المدرسه:
باتمنى إنى أشوفها كبرت شويه ودخلت المدرسه,وألف بقى فى الشوارع علشان أجيبلها لبس المدرسه,وأجيبلها الكشاكيل والكراريس علشان تكتب فيهم الواجبات بتاعتها,وأشوفها وهى بتذاكر بكُلِ همه ونشاط,بدون كسل أو ملل,ومامتها تذاكرلها,ولما تقولى مامة"بسملها"ذاكرلها هقولها"لأ..طبعاً" لأنى هكون بقى باشتغل علشان أوفرلهم مصاريفهم..(حجتنا دايماً ههه)..

إمتى أشوفها وهى عروسه:
باتمنى إنى أشوفها عروسه كبيره جميله ,محافظه على نفسها,وبتراعى ربنا فى كل خطوه بتعملها,وتحاول تفيد نفسها وغيرها,واتمنى إنى أشوفها دكتوره أو مدرسه أو مهندسه,أو أى وظيفه هى تحبها المهم إنها تفيد بيها غيرها,ولو جوزها عاوزها تقعد فى البيت يبقى تُقعُد,لأن جوزها بقى هيبقى مقامه فى مقامى,وأكتر(لأنه هو اللى هيحمي عرضى)..
وإمتى أقول لجوز بنتى بارك اللهُ فيك,وأتمنى إنه مايزعلشى منى فى يوم,,وإنه يكون شاب كويس..وإن بنتى ماتزعلهوش فى يوم..
وأتمنى إن ربنا يدينى طولة العمر لحد لما أشوفها بقى اتجوزت ,ولما أشوف عيالها..

إمتى لما أموت تقرى مدونتها:
أتمنى إنى لما أموت إن "بسمله"تقرأ مدونتها وتحاول تفتكرنى بالخير وتدعيلى,وتقرا المدونه وتضحك على يومياتها..

يوميات طفلتى لاتنتهى ..فانتظرو المزيد

اقرأ المزيد

طفلتى ومديرة الحضانه

                     طفلتـــــــــى ومديــــرة الحضـــــــانه

بسمله بتخبط على بابا

"بسمله" فى أشهرها الأولى وبعد انقضاء أجازة مامتها الخاصه بالإنجاب ,قررنا إننا نرجع لبيتنا ونودى "بسمله"لروضة أطفال,بحكم الظروف الخاصه بالشغل بتاعنا أنا وهى,وفعلاً دخلناها الروضه,وكانت فى نصائح خاصه من الوالده بإننا ندى هدايه للعاملين فى الروضه,وده بقى من زوقنا,لأنهم بيتعبو مع العيال,فى ناس هتقول ماهما بياخدو أجر,هقولك أنا بقى: دول بياخدو حوالى 100 جنيه وزادو أو قلو اللهُ أعلم,لكن ده هو الواقع,فيعتبر ده عباره عن إننا بنطلع من المال اللى أعطانا الله لينا لعباد الله اللى ليهم أكيد جزءفرضه ربنا ليهم,واحنا بنطلعه ..
المهم بدأنا نودى البنت الروضه,ولقينا اهتمام بالأطفال,وفى يوم بعد فتره كبيره قررت إنى أزور بنتى"بسمله"لوحدى,وفى اليوم ده كان معايا زميلى فى العمل,وطلبت إنى أشوف بنتى,وكانت دى تقريباً المره التانيه اللى أروح فيها فماكانوش عارفينى كويس,فطلبو منى إثبات الشخصيه,واتصلو على المدام لكن تليفونها كان مقفول,وجابو البنت "بسمله"وكانت لسه صاحيه من النوم ففضلت تبكى,فخافو منى (هههه)وبعد كده "بسمله"جت على رجلى وفضلت تلعب,وأنا قلتلهم خلاص أنا هالعب معاها هنا ومش هاخدها,وبعدين المديره بتاعة الحضانه اتعرفت عليه,وطلبت منى إنى أدى بنتها درس,والحمد لله أكرمتها وطلبت منها أجر قليل ...
الأسباب :

أولاً :أنا كنت عاوز أعمل موقف شيك يخليها تهتم ببنتى,علشان لما تبكى معاهم ألاقى اللى يقُلهم اهتمو بيها وشيلوها,وشوفوها عاوزه إيه والكلام ده,وده لأنى بحب بنتى ومش عاوزها تكون زعلانه فى المكان اللى هى فيه واحنا مشغولين عنها..
تانى سبب: بنت المديره بتاعة الحضانه كانت خارجه من مرض كان بيخليها تتشنج وتتعب جامد(مرض عصبى) وبسبب المرض ده رسبت حوالى سنتين فى الإعدادى,فكانو عاوزين حد يأهلها من جديد ويعرفها تقرأ كويس وتكتب..,الحمد لله بعد فتره صغيره قدرت أعمل معاها حاجه,لأنها كانت واثقه فيه,وكنت باتبع معاها أسلوب تربوى كويس,وكنت براعى والحمد لله فيها ربنا علشان ألاقى ده بكره وبعده فى بنتى "بسمله"
اللى عاوز أوصله..إن احنا لازم نراعى ربنا فى غيرنا علشان غيرنا يراعى ربنا فينا وفى أولادنا..
وإن انت لازم تختار روضة أطفال أو حضانه فيها مديره بتخاف على الأطفال زى كإنهم أولادها,وده اللى انتو أكيد حسيتو بيه ,لما رُحت زرت بنتى ,وفتحو معايا تحقيق وهويتى والحوارات دى اللى بتدل على أمانتهم..
مش هطول عليكم ..علشان أجهزلكم حكايه تانى من حكايات طفلتى بسمله

اقرأ المزيد

طفلتى والعظمه

بسمله والكمبيوتر

"بسمله"بعد ماقمنا من على الأكل,كان فى عظمه خدتها فى إيدها وفضلت تلف بيها وتاكل فى اللحم اللى  فيها,وبعد كده جت عليه وهى فى إييدها العظمه,وفضلت بقى تحط إيديها عليه,وأنا أقولها :خلاص يا"بوسبوس"أيديك مدهنسه,وهى ولا سامعه كلامى,وبتحاول تعدى من تحتى وتلعب ,وبعد كده دخلت علشان أكتب على اللاب توب بتاعى,ووسط الإنهماك بتاعى فى كتابة المواضيع وكده جت "بسمله جنبي ,وأصرت إنها تلعب ب"المصفايه بتاعة المطبخ بتاعة مامتها" وتخبط على الجهاز بيها,لكن أنا رفعتها على الكنبه جنبي,وهى كانت تقريباً بتقيس مدى حُبي ليها,وكانت بترمى نفسها من فوق الكنبه فجأه,والحمد لله كنت بانتبهلها فى آخر لحظه قبل ماتوقع,وأول ماأمسكها تفضل تضحك وتعيد الحركه تانى,ولما زهقت منها زعقتلها علشان تروح لمامتها,ولما فعلاً راحت لمامتها,راحت علشان تشتكيلها,وتقولها"بابا..بابا"يعني إنى مزعلها,ومامتها بقى(بتهدى النفوس) فقالتلها :روحى قوليله "أح..أح"يعني إضربيه,وقوليله :أحسن..
وفعلاً جت "بسمله"عندى وضربتنى وقالتلى"أحن"يعني أحسن,وبعد كده قعدت على السماعه الخارجيه بتاعة الجهاز"سماعه صب" وأنا مش واخد بالى عضا صُباع رجلى,وأنا فضلت أتألم وهى تضحك عليه..وبعد كده دخلت لمامتها علشان أشكيلها من "بوسبوس" وبعد كده اتوضيت علشان أصلى ولما خلصت ونويت أصلى وبدأت فعلاً فى الصلاه لمحتنى "بسمله"وجت جنبي وجابت معاها كيس الكاراتيه اللى كان فى إيديها وجت وقعدت على حجرى,وفضلت تاكل,وبعد كده دخلت تانى لمامتها,وبعد لما خلصت دخلت معايا المطبخ عند مامتها وقعدت على كرسي المطبخ,وفضلت تهز فى رجلها,وكأنها قاعده على شط البحر,وبعدين بدإت إنها تمسك فى السجاده اللى فى الأوضه التانيه وبدإت تلعب بيها,وتوديها يمين وشمال

 ,وبعدين دخلت أنا علشان أكمل كتابه ولقيتها لابسه كيس مغطى وشها وراسها وبتلعب بيه,وكإنها عاوزه تجرب إنها تمشي وهى مغمضه عينيها,والحكايه دى بتعملها كتير,سواء بالمصليه أو بالفوط أو بلبسها..

بسمله والكيس

المهم بعد كده كانت والدتها بتعملنا "أيسون"وجابتلى الكوبايه بتاعتى,ف"بسمله"أصرت إنها تاخد بتاعتى,لكن أنا أقنعتها إن الكوبايه سخنه بإنى خليتها لمستها ففضلت تقرب منها وتقول"أح..أح" يعني الكوبايه سُخنه..وبعدين فضلت تضحك وبعد كده قلتلها يللا بينا"تاتا"وخدتها للأوضه التانيه علشان تشرب كوبايتها الدافيه...
ودلوقتى هى بتلعب مع مامتها ,وأنا دلوقتى خلصت الجزء ده من اليوم بإذن الله,على وعد بإنى أكملكم باقى اليوم بإذن الله من يوميات "بسمله"
انتظرو حكايات طفلتى بسمله

اقرأ المزيد

طفلتى ويوم السبت 17-1-2015

                  طفلتـــــــــى ويوم الســـــــبت 

بسمله نايمه

اليوم وفى بداية اليوم الجديد رأيت "بسمله تنام على السرير على غير عادتها,فهى تصحو قبلنا,فسألت مامتها إيه اللى حصل النهرده مع "بسمله"فقالتلى إنها صحيت بالليل ,وكانت بتقول"أم..أم" يعني عاوزه تاكل,وكان جنب مامة"بسمله" لبن فشربتها الشويه اللى فاضلين,وبعد كده جت تأكلها زبادى,فزعلت ونامت على وشها  من الزعل,وقالتلى مامة "بسمله" هى كانت عاوزه تشرب حاجه بسرعه,ومش فاضيه لأكل الزبادى فزعلت ونامت..المهم صحيت "بسمله الصبح,ولما جيت أطلع وقفتلى قدام باب الشقه كعادتها علشان توصلنى,ولما خلصت اليوم بتاعى فى مراقبة الإمتحان ورجعت لقيت "بسمله واقفالى قدام باب الشقه,ولما شافتنى دخلت جوه تجرى,ولما سألت مامة "بسمله"عن اللى عملته النهرده الآنسه "بسمله فى الحضانه فقالتلى,إنهم وهما راجعين فى العربيه وأول مادخلو العربيه,"بسمله"قالت"أم..أم"يعني عاوزه تاكل,فقالتلها مافيش حاجه دلوقتى فى الشنطه معايا,لكن مع إصرار "بسمله "لما نزلو جابتلها "نايتى"وكلته فى الطريق,وبعدين قالت لمامتها"دى..دى" يعني ترمى فين الورقه,وماكانشي قدامهم سله وكانو على طريق القطر,فقالتلها"إرميها فى الأرض,و"بسمله" بقى ماصدقت,لأنها علطول بترمى الحاجات فى السله بتاعة الزباله,فهى عاوزه تغيير ,وحصلت عليه الآنسه..
المهم,أنا كنت جايب معايا حاجات فى كيس وأنا داخل وهى عباره عن(لبن وزبادى وشيكولاته)ف"بسمله"خدتهم منى مع إنهم تقال عليها,وطارت بيهم جوه الشقه,وبدإت تفتش فيهم علشان تطلع الزبادى واللبن اللى بتحبهم,ووسطهم لقيت"شيكولاته,فحطتها فى بقها,وبدإت تعضعض فيها,لحد لما فتحتهالها مامتها,وبدإت تاكل فيها(كل الأطفال بيحبو الحلويات طبعاً..

بسمله والشيكولاته

"بسمله"بعد ماكلت الشيكولاته"أخدت كيس اللبن فى بُقها,وبدإت إنها تعضعض فيه لحد لما فتحت الكيس,وأنا قلت لما ماتها,وهى جت وشالت الكيس منها,وبعد كده فضلت تلعب فى حاجات مامتها,وبعد كده جه محصل النور فى الشارع وخدتها معايا تحت وكانت فرحانه,وبعد مادفعنا للراجل الفلوس وطلعنا,خبطت على ماما علشان تفتحلنا الباب وفضلت تقول "ماما "وتخبط,وبعد لما فتحت مامتها الباب ودخلنا لقيت الأكل محطوط,واستعدت للأكل,وماسكه المعلقه دلوقتى وشغاله تخبط فى الصحون..
انتظرو باقى اليوم علشان أحكيلكم على جديد طفلتى"بسمله"

اقرأ المزيد

طفلتى والتعلم المفيد

                  بسمــــــــله والتعــــــــلم المــــــــــفيد

"بسمله"دى زى الأولاد كُلهم بتحاول تتعلم كل حاجه,ودلوقتى بقى هاحكيلم جزء تانى من يومها .. وبعدين هاتكلم عن تعلمها لحاجه جديده..
"بسمله" معاها لعبه إحنا جايبينهالها وهى عباره عن خروف صغير بتركب فوقيه وتتنطنط,المهم مكان الخروف اللعبه اتغير,فهى كانت مُصره إنها توديه مكانه,وبعدين مامتها أقنعتهاإنها تلعب عليه,وبعدين ركبتها عليه وبدإت تلعب,وبعدين لما خلصت شالته وحطته مكانه,تقريباً لأنها منظمه(أبداً)

بسمله ولعبتها

,وبعدين "بسمله"كانت شايفه مامتها داخله البلكونه فدخلت وراها ,ومامتها كانت بتشيل البصل من البلكونه,وبسمله لما شافتها شالت معاها واحده وودتها جوه معاها,وبعدين فضلت تتفرج على مامتها وهى بتطبخ,وبعد كده قررت "بسمله"إنها تشيل مع مامتها الغسيل ,ودخلته معاها للمكان اللى بتكوى فيه,..
دلوقتى فى اللحظه اللى أنا باكتب فيها "بسمله"ماسكه الكوفر بتاع الكاميرا الديجيتال ,وشافت مامتها داخله البلكونه وداخله وراها بالرغم من إن مامتها قالتلها :خليكى جوه..لكن لايمكن إن "بسمله تنفذ الكلام ودخلت جوه للبلكونه..وطبعاً فى كتب قديمه خاصه بى فى البلكونه وهى طبعاً مش هتسيبهم فى حالهم,وهتبدأ تلعب بالمكنسه والحاجات اللى فى البلكونه,ودلوقتى مامتها بتحاول تدخلها جوه بالعافيه,
على فكره إحنا الاتنين(أنا ومامة "بسمله)مش قادرين عليها,وكل واحد بيرمى على التانى من كُترِ تعبه منها..
دلوقتى "بسمله"واخده الشقه جرى(تقريباً هى داخله بطولة جرى وعاوزه تاخد المركز الأول),على فكره النشاط اللى عند الكبار مايجيش واحد على ألف من نشاط الصغار,لأنهم لسه عاوزين يتعرفو على أكبر قدر ممكن من اللى بيحصل حواليهم,وبيكرهو اللى بيوقفهم ,وبيحبو اللى يعرفهم على الحاجات ويخلى باله منهم..
على فكره"بسمله"حبتنى اليومين دول لأن لما تكون عاوزه توصل لحاجه وتكون عاوزه تعرفها بجيبهالها(برضايا أو غصب عنى) ,لكن مامتها فى بعض الأحيان بتزعق فيها,فالميول كلو اليومين دول عليه..لأنها بتعرف تخلينى أنفذ طلباتها بأى شكل من الأشكال..
على فكره فى موضه جديده طالعه وبيكون فيها الأطفال لابسين نفس لبس الكبار ,بالذات البنات,وبيكونو حاطين شنطه فى إيديهم ,ولابسين لبس قصير وحاجات كده(أنا شايف ده إنحراف لطريق الطفوله)ومش لازم علينا نتجه للفعل ده لإنه دعوه للموضه الجديده الخاصه بالطفوله المنحرفه,واللى هتزيد الإنحراف بالتالى فى سن أكبر ..فأنا مش بأحبذ الموضه الطفوليه..
انتظرو حكايات طفلتى ..يومياً

اقرأ المزيد

طفلتى والسنه المتعبه

بسمله تعبانه من السنه

الأسنان حاجه متعبه جداً,و"بسمله" من وهى فى أشهرها الأولى ولحد الآن بتعانى من ألم التسنين..

باقى اليوم بقى أدينا بنتسلى وبنحكى عن اللى حاصل مع بنتى "بسمله",وأدينا بندردش مع بعض.,وعلى فكرة الله نكمل.
"بسمله"من شويه كانت فى المطبخ مع مامتها,وكانت عاوزه تشرب "أيسون لأنها كانت صاحيه من النوم طبعاً زى ماقولتلكم قبل كده إنها بتحب تشرب أى حاجه بعد ماتقوم من النوم,وكانت بردو بتشاور على أسنانها,واللى تعبهم ليه كام يوم شغال معاها,وكل شويه تفتح بُقها لمامتها,وليه طبعاً,وتشورلنا ,واحنا فى الأول ماكُناش عارفين هى قصدها إيه,لإننا كنا بنحسب إنها بتشكى من لسانها,لأنه ممكن يكون فيه حراره,ولكن لما تشاورلنا علشان نحط إيدينا,بنحط إيدينا على أسنانها فبتدينا إشاره لإن الوجع فعلاً فى أسنانها,على فكره لما أسنانها بتوجعها بتكون تعبانه ومش بتقدر توقف,وفى الفتره دى"بسمله"بتوقع لما الهواء يخبط فيها,لأنها بتكون تعبانه من الأسنان..
زى ماقولتلكم قبل كده إن الطفل بيكون قدامه خيارين(المشي_أو الأسنان)فلما الطفل يشد حيله فى المشي والحبو,بيتأخر التسنين,ولما بيشد حيله فى الأسنان بيتأخر المشى,وعلى فكره حكاية التسنين دى تقريباً بتقعد مع الطفل لحد لما يوصل عمره سنتين أو أكتر..
"بسمله عمرها الآن حوالى سنه وخمس شهور,ولسه يتعانى من الحكايه دى..
تعالو بقى نكمل مع "بسمله" اللى بتشرب الأيسون دلوقتى مع مامتها..
فى اللحظه اللى أنا كنت باكتب فيها رُحتِ الأوضه التانيه علشان أشوف "بسمله"بتعمل إيه,ولقيتها أكلت "لبه"وبعد ما شافتنى اترمت عليه وكانت عاوزانى أشيلها وبالفعل شلتها(ولعبتها "أوبه")يعنى شلتها ورفعتها فوق واتلقيتها تانى على إيدى,ولما خافت حبت تنازل,وكإنها بتقولى(بلاش اللعب الماسخ ده :)  )وبعد شويه طلب منى ألاعبها تانى,لكن كل ماكنت أحدفها فوق ألاقيها بتتنصب زى العمود,ومامتها فضلت تضحك عليها,ولما رجعت تانى أكتبلكم ,جت على الأوضه وأخدت الموبايل,وسيبتهولها,لأنها لوفضلت فى المكان كانت هتسحب الريدر من الجهاز وتبوظه,وأنا ماصدقت إنى اشتريت الريدر الجديد ده علشان أنزلكم صورها أول بأول..
بإذن الله مكملين اليوم مع بعض.. وحكايات طفلتى مكمله معاكم يومياً بإذن الله تعالى..
انتظرو المزيد من حكايات "بسمله"

اقرأ المزيد

طفلتى بتلعب معايا على المصليه

طفلتى على المصليه

شاهد الفيديو فى الأسفل آخر التدوينه..

طفلتى بتحب تلعب معايا أثناء وأنا باصلى والفيديو اللى قدامنا ده بيحكى فترة صلاة الظهر,وأنا بأحاول إنى أفرش المصليه علشان أصلى واتفاجأت ب"بسمله"وهى بتحاول إنها تاخد المصليه من قدامى,وهى فعلاً عملت كده,وطارت بالمصليه من قدامى,وراحت بيها أوضة الجلوس,وهى اتعودت على حاجه جديده,واللى هى إنها تغطى وشها بالحاجات,وتمشي,وطبعاً فى بعض الأحيان بتوقع لأنها مش بتشوف اللى قدامها,وهى فكرتنى بنفسي,لأنى من يومين كده,وانتو عارفين الجو شتاء,وكنت راكب الموتوسيكل فالشال حبيت إنى أظبطه فجه على عينى وحجب عنى الرؤيه,وفضلت ماشي يمكن 10 ثوانى وأنا مش شايف قدامى,ولكن الحمد لله إن ماحدش كان قدامى,وإلا كانت حصلت حادثه لاقدر الله..
المهم نكمل حكايتنا عن "بسمله النهرده,وتانى حاجه المهم وأنا بصلى صلاة العصر جت ونامت قدامى,وبالأحرى بقى قدام راسي,وكل ما أحاول أزيحها ناحية السجاده تيجي تانى تحتى وتضحك بالعند,وأول ما مامتها تيجي تصلى بقى ,يحصل معاها عكسي..
بتيجي تبكى علشان مامتها مش بتكلمها,وتكون عاوزاها تجيبلها حاجه من أى مكان,وأول ماتردش عليه مامتها بقى تفضل تعيط وتصرخ بصوت عالى..
على فكره "بسمله"نامت من شويه وصحيت تصرخ ووتقلب كتير,وفضلت ألاعبها,وأشيلها شويه,وبالرغم من كل ده كلو بردو مارضيتشي تبطل صريخ وبكاء,ولما خلصت مامتها شغل البيت بتاعها,عرفت هى إيه اللى بيخليها تبكى,وتخيلو إيه ده..
"بسمله"اتعودت إنها لما تصحى من النوم لازم تشرب لبن أو أى مشروب سائل,وإلا تخرب الدنيا,وعلى فكره زميلاتها اللى معاها فى الشغل حذروها من إنها تعود البنت على إنها تشرب السوائل بعد النوم مباشرةً لأنها هتتعود على كده لحد لما تكبر,لكنها ماسمعتشي الكلام,واللى بيحصل إن بسمله حتى لو صحيت فى نص الليل أو أول الصبح حتى لو ضدفه لازم تشرب أى سوائل ,لأنها اتعودت على كده..
على فكره "بسمله"دلوقتى بدإت تخريب تانى,واللى بتعمله دلوقتى إنها بتاخد العيش من مامتها وتبدأ إنها تقطعه حتت صغيره وتلف بيه فى الأوض وترميه على الأرض والبعض اللى مش كتير منه بتاكله..
"بسمله"لحد ما تنام وهى بتشتغل تخريب,واليوم اللى ماتعملشي فيه كده لازم نعرف إنها تعبانه أو زعلانه من حاجه أو مخضوضه,ولازم نعالج الوضع ده بسرعه...
إحنا بنحاول على قد مانقدر ننتبه ليها طوال الوقت ,ومع إن ده متعب لينا بس بنحاول,لكن طبعاً الأب بيطنش شويه,والأم بقى معظم الوقت هى اللى عليها العبء الأكبر(ربنا يكون فى عونها..
حكايات الطفوله لاتنتهى ..انتظرو المزيد من حكايات طفلتى..

اقرأ المزيد

بسمله وحكايتها النهرده 15-1-2015

               بسمله وحكايتها النهرده 15-1-2015

طفلتى بسمله

النهرده بقى أحكيلكم من البدايه حكاية طفلتى 15-1-2015 ...الصبح صحيت"بسمله" وهى تعبانه شويه من آثار الكحه,وكانت لسه مش نشيطه لما شفتها الصبح,لكن بعد ماخرجت,حكتلى والدتها إنها بدإت تقرب على الغساله "الأتوماتيك,وبدإت تدوس على الزراير الخاصه بالتوقيت وأنواع الأقمشه,وتدوس بطريقه عشوائيه وسريعه,لما كانت هتبوظ الغساله,وتصدقو المفاجأه دى؟؟

أنا كنت حكيتلكم قبل كده إن الريدر ضاع ,وأنا فضلت أدور عليه أكتر من يوم,ولكن للأسف مالقيتهوش,واشتريت غيره,واحد لقيته بايظ,والتانى أهو شغال بيه,لكن مش كويس للدرجه..
المهم:والدة "بسمله"قالتالى أدى الريدر,فقولتلها لقيتيه فين؟ ..فقالتلى تخيل إنت.. فقولتلها مش عارف ..قولى إنتى..

طفلتى على السجاده

فقالتلى لقيته فى الغساله.."بسمله" بقى اللى حطته.لأنها متعوده إنها تحط لعبها فى الغساله وتفتحها بقى,وأكيد أنا بقول إن الريدر باظ,لأن الهدوم لما بنغسل أكيد بيدخل للغساله مياه,فأكيد الريدر دخلتله مياه,وباظ..
المهم,وحكتلى والدتها إنها امبارح لما كانت فى البلد"بسمله" كانو جايبين "بط" وقعدت بقى "بسمله" وسطهم ,وجابولها جناحات ,لإنها بتلاقيها طريه فى الأكل فبتحبها,وأخدت نصيبها بقى وفضلت تقضم فى الوليمه بتاعتها لحد لما خلصتها..
على فكره البنت ماكانتشي بتاكل حاجه,لكن سبحان الله مره واحده(والحمد لله)بدإت تاكل,وجه فوق راسي دلوقتى لأنى مش عارف آكل من "بسمله" لأنى وأنا باكل وبالذات النهرده ,فعجبتنى الوربه وبدأت أشرب,فجتلى"بسمله"وقعدت فى حجرى,وبدإت تشاورلى على الشوربه علشان أشربها,وكل ما أقف علشان أشرب أنا فتنتش منى المعلقه علشان تشربها هى,وأول ماخلصت بقى بدإت إنها تمسك المعلقه لوحدها,علشان تخبط وسط الأكل,وبدإت تحط إيدها حوه الأكل(أهو بقى نعمل إيه ..هو كده وبس)وبعدين بدإت إنها تحاول تمسح إيديها فى جاكتي,لكن والدتها لحقتها,ومسحتلها إيديها.. على فكره مهما حاولت تغير فى الأطفال,فمش هيتغيرو غير لما يكبرو ويفهمو..

بسمله والمصليه:
ولما حبيت بقى أصلى,جت بسمله من قدامى ونتشت المصليه ,وبدإت تجرى من قدامى بالمصليه,ولما جت عينيها على اللاب توب بتاعى,بدإت تتكتك فى الزراير ,وتقول "نونه"كعادتها.. وساعات ترفع الجهاز وعاوزه تتطلع بقى"النونه اللى جوه الجهاز واللى هى عباره عن صور أطفال أو كارتون..


بسمله" ومفتاح موتوسيكلى:
خدت "بسمله"منى مفتاح الموتوسيكل,وبدإت إنها تناغشنى بإنها ترن الموتوسيكل,ولما أقولها خلاص,ترنه تانى علشان تهزر معايا وتلعب,لأنها عارفه إنها بتغيظنى..

اقرأ المزيد

الطفله بسمله والكارتون

طفلتى تختلف عن بقية الأطفال فى إنها مش ببتفرج على الكارتون كتير,لأنها بتحب إنها تتنقل كتير وتلف فى الشقه,ولكن بعض الأغانى الخاصة بالأطفال بتسمعالها مامتها,زى أغانى طيور الجنه,وبعض الكارتون اللى كانت بتشوفه على اللاب توب,أو على التليفيزيون,وربما فى بعض الأوقات تقف أمام التليفيزيون لتستمع إلى مشهد من فيلم مضحك,أو فيلم,معلقةً فى بعض الأحيان بقولها"نونه",والأغلب لما يكون الممثل أقرع فبتقول عليه"نونه" أو لما يكون فى قدامها لعبه فى التليفيزيون ,أو طفل صغير,وكإن هى أساساً مش "نونه"..
ربما بعض المشاهد التى يشاهدها الأطفال ينعكس عليهم أثناء النوم,وده اللى بيحصل فى بعض الأحيان مع "بسمله" اللى فى بعض الأيام بتقوم مفزوعه من النوم,وساعات بنفسره على إنها مضروعه أو إنها شافت مناظر رعب أو أكشن من بعض الأفلام الأجنبيه اللى أنا طبعاً بشوفها,والبنت بتقلدنى..
والدة "بسمله"لما بتكون مش عاوزاها تدخل معايا الأوضه اللى أنا باعمل فيها شغلى  بتفرجها على الكارتون,وساعات بتستسلم للأمر ده,وساعات مش بتسمع كلام ماماتها,وبتسيبها وتيجي تجرى عليها علشان تتفرج عليه,وتبدأ التخريب..
أنا بافكر إنى أنقيلها طبيعة الكارتون اللى بتتفرج عليه وكمان الحاجات اللى تشوفها,يعني(لازم الأغانى أو الكارتون يبقاله هدف تعليمى_أو إرشادى_أو ديني)يعني لازم توصل للطفل معلومه من خلال العمل ده,مش حاجه نسكت بيها الطفل وخلاص,ونلاقى إن الحاجه اللى شافها انطبعت عكسياً على شخصية الطفل..
زى مثلاً أفلام الأطفال اللى فيها عنف,وضرب البطل لشخصيه تانى,وكلام فاضى بدأ يتقال من شتيمه وغيره,وبتعلق فى ذهن الأطفال من أجل جذب الأطفال فقط,والعائات الماديه,ولايدرسون كيفية أن يؤثر ذلك على طباع الأطفال..
"بسمله"من النوع اللى بتعلق الحاجه فى مخها بسرعه,علشان كده بإذن الله لازم نحاول إن احنا نختارلها بعنايه,ولما تكبر شويه,هنحاول ننمى فيها الإختيار الشخصى فى إنها تختار لوحدها,وتعمل الحاجه لوحدها من غير مساعدة حد..
وننمى فيها القناعه,وإن الحاجه إن كانت بسيطه فأكيد منفعتها أكبر..
حكايات طفلتى انتظروها دوماً..

اقرأ المزيد