بسمله وعيد الميلاد

                 بسمــــــــــــــــــــله    و   عيد الميلاد

بسمله

فى يوم عيد ميلاد "بسمله" أنا نزلت بالموتوسيكل بتاعى على محل الحلويات علشان اشترى لبنتى الصغيوره التورته الخاصه بعيد الميلاد,وده طبعاً لما كملت سنه ..

بسمله مع التورته

والصراحه أنا كنت على أدى فى السواقه ..لسه يعني ماكنتش اتخضرمت ,لكن كنت فرحان بإن بنتى الصغيوره كملت سنه فقلت لازم أجيب التورته على الموتوسيكل ,وفعلاً اشتريت التورته اللى كانت معموله بالشيكولاته,ورحت للبيت وخليت المدام التجهزت هى والبنت ,وخدتهم ورحنا على البلد علشان نحتفل مع والدى ووالدتى بالمناسبه السعيده دى.

بسمله مع جدها

وحطينا التورته على الطبليه,وقعدنا "بسمله" جمبنا,وبدأنا الإحتفال,وقبل كده جد "بسمله" إداها لعبتها الجديده واللى فرحت بيها وتقريباً سابتنا وفضلت تلعب بلعبتها الجديده.

بسمله مع لعبتها

وبدأنا نولع الشمع,ونتصور مع"بسمله" وهى فضلت تحاول انها توصل للتورته,وفعلاً فى وقت ساهتنا وحطت إيديها فى التورته ,وكلنا بدأنا نضحك على شقاوتها.

ومر اليوم بسعاده وفضلنا ناكل التورته بعد ماطفينا الشمع,وبعدين خدت "بسمله "ووالدتها على الموتوسيكل ورجعنا البيت بعد ماقضينا عيد الميلاد,مع والدى ووالدتى فى سعاده..

Please Give Us Your 1 Minute In Sharing This Post!

SOCIALIZE IT →

Tweet

FOLLOW US →

SHARE IT →

Powered By: بلوجر المعلوماتى

مواضيع ذات صله:

بسمله طفله