 |
| بسمله ويوم الجمعه |
كل جمعه والجميع بخير بإذن الله تعالى:
اليوم بدأ اليوم بإنى صحيت من النوم على صوت مامة "بسمله"وهى جايبالى"بسمله" وبقتولى:خليك نايم والبنت مطلعى عينى,وخلتهالى جنبي على السرير,و"بسمله"بقى فرحت لإنى صحيت,وفضلت جنبي,وهى بتحاول تزيح البطانيه من عليه,وتلعب معايا,وبعدين نزلت من على السرير علشان أدخل أتوضا علشان صلاة الضحى,وهى بقى مستنيانى,علشان بقى تغلس عليه وأنا باصلى..
وبدأت فعلاً الصلاه وهى بدإت إنها تحاول إنها تاخد المصليه من تحتى ,ولكن لما مالقيتشي فايده بدإت إنها تنام قدامى كعادتها ,ولكن الحمد لله كملت الصلاه غصب عنها :),وبعدين بدإت إنها تلعب فى باقى الأوض,وقعدت تلعب معايا وأنا بالبس هدوم الخروج,وتقولى"بابا..بابا",والمهم لبست علشان أخرج أدى حصه فى الشوارع اللى جنبنا,وأنا خارج مسكت فيه,وطلعت لحد بره باب الشقه,ومامتها دخلتها بالعافيه,ولما إديت الحصه ورجعت بقى,حكتلى مامتها إنها بقى شدت الصينيه اللى كان عليها الأكل(فرخه بالفريك بتاعها,وكان فى فريك زياده)كلو ده وقعته "بسمله على الأرض,وكمان بدإت إنها تبكى على حاجاتى (النظاره_والريدر)وكانت عاوزه والدتها تجيبهوملها علشان تبوظ فيهم كعادتها بقى,لكن والدتها مارضيتشي وسمعت بقى أحلى صريخ من الآنسه"بسمله"وبعدين بدإت "بسمله"تلعب فى اللاب توب بتاعى,وتحاول إنها تجيب النونه,لكن فى الآخر والدتها شالت الجهاز عنها..
وبعدين بقى بدإت "بسمله" أول ماشافتنى تطالب ب"تاتا" يعني أمشي معاها فى الشقه,وتم المراد,وبعدين بدإت تبوظ فى الجهاز ,وجابت مساعدة جوجل,وجابت موقع مش عارفه..
أكملكم بعدين علشان رايح أصلى دلوقتى صلاة الجمعه..انتظرو المزيد من حكايات طفلتى
0 التعليقات:
إرسال تعليق