هذه هى نتائج تخريب طفلتى الصغيره"بسمله والتى أقدمها لكم فى نقاط:
الموبايل الخاص:
منذ أشهرها الأولى ومنذ تعودت على أن تتعرف على الأشياء باستخدام فمها الصغير ,واستخدام العض فى ذلك,وهى تقوم بتقسيم الموبايل إلى ثلاثة أجزاء(جسم الموبايل_البطاريه_الكوفر)وأهم جزء عندها هو البطارية والتى تفضلها عن باقى الأجزاء لأنها طريه فى العض فيها,وبتساعدها على التخفيف عن ألم الأسنان لما كانت بتسنن ولحد الآن طبعاً..
الكمبيوترالخاص:
كل يوم بقى تحاول تساهيني علشان تفضل تلعب فى زراير اللاب وتحاول إنها تشوف صور "النونو"اللى هى صورها,وأنا قلتلكم قبل كده إن أول مره شافت صورها على المدونه بدإت تتعلق من ساعتها بالجهاز وتبوسه وتقول"نونه" وكل بقى ماتشوف الريدر تبدء تخبطه لحد لما بوظت واحد (الريدر قصه تانى بقى)..
2ريدر خاص بجهاز اللاب توب:
ضيعت "بسمله" ريدر أثناء اللعب بيه كعادتها,والله أعلم إذا كانت رمته من البلكونه أو رمته فى الزباله,لكن خلاص بقى ضاع وخلاص,والريدر التانى أنا جبته جديد بعد ما اتعذبت فى البحث عن الريدر اللى ضاع,ولكن بعد يوم واحد داست "بسمله على الريدر وهو فى الجهاز,وباظ والحمد لله..
عدد 2سماعات الصب الخارجيه:
بسمله وكعادتها بتحب تكتشف الحاجات حتى لو بوظتها,فهى لما لقيت السماعات الصغيره موصوله بالجهاز,فضلت تشد فى الأسلاك لحد لما بوظت واحد,وبعد يومين تقريباً بوظت التانى بردو بنفس الطريقه,والله أعلم إذا كانت قطمت السلك باسنانها ولا إيه,بس المهم إنها باظت..
المفكره بتاعة الشغل:
أنا زى ماقلتلكم مدرس وبادى دروس خارجيه فمسجل بقى مواعيد الدروس,وأرقام الناس وعدد الحصص,وحاجات كتير,ولكن لم تسلم تلك المفكرة من أذى الطفلة الصغيره,والتى لم تترك فيها قطعة ورق إلا ومزقتها..
اسطوانة فرح:
كانت مامة "بسمله تحتفظ باسطوانات الفرح,ولكن بسمله لقيت بقى واحده منهم فأخذت تقضم فيها وترميها على الأرض ..
وأشياء كثيره أخرى ..وهكذا هى حياة الأطفال,ضحك ولعب وخراب فى الحاجات..
انتظرو المزيد من حكايات طفلتى
0 التعليقات:
إرسال تعليق